راہل گاندھی کی قیادت میں کانگریس راجستھان،مدھیہ پردیش اور چھتیس گڑھ فتح کرے گی: سرفراز احمد صدیقی
نئی دہلی،12اگست(ایس او نیوز؍آئی این ایس انڈیا) دہلی کانگریس کمیٹی کے سکریٹری اور سپریم کورٹ کے وکیل سرفراز احمد صدیقی نے امید ظاہر کی کہ اس سال کے اخیر میں ہونے والے ریاستوں کے انتخابات میں کانگریس پارٹی صدر راہل گاندھی کی قیادت میں فتح کے ساتھ 2019میں کامیابی سے ہمکنار ہوگی۔
انہوں نے کہاکہ جس طرح جے پور میں راہل گاندھی کے روڈ شو میں عوام بھیڑ امڈ آئی اور یہاں کے عوام نے جس طرح ان کا والہانہ استقبال کیا اس سے ظاہر ہوتا ہے کہ راجستھان کے عوام بی جے پی کی بدحکمرانی سے چھٹکارا پانا چاہتی ہے۔ انہوں نے کہاکہ جوں جوں بھارتیہ جنتا پارٹی حکومت کی میعاد پوری کرنے کی طرف بڑھ رہی ہے اسی طرح اس کا نکما پن ، بدعنوانی، وعدہ خلافی اور عوام کے ساتھ دھوکہ سامنے آرہا ہے۔
مسٹر صدیقی نے اس کی وجہ عوام کا بھروسہ کانگریس اور راہل گاندھی کی طرف بڑھ رہا ہے۔ انہوں نے کہاکہ راجیو گاندھی کی قیادست میں کانگریس پارٹی پوری قوت اور حوصلہ کے ساتھ آگے بڑھ رہی ہے۔ انہوں نے اس کی وضاَحت کرتے ہوئے کہاکہ سنیچر کو جس طرح جے پور میں ہوائی اڈہ سے جلسہ گاہ تک وہاں کے عوام پلکیں بچھائے بیٹھے تھے اس سے صاف الگ رہا ہے کہ وہاں کے عوام راجستھان میں تبدیلی چاہتے ہیں۔
انہوں نے کہاکہ وہاں کے عوام کو سابق وزیر اعلی اشوک گہلوت کی قیادت میں کئے گئے ترقیاتی کام یاد آرہے ہیں اور وہاں کے عوام اس بار تہیہ کرلیا ہے کہ وہ کانگریس کو ہر حال میں اقتدار میں لائیں گے۔ انہوں نے الزام لگایا کہ جب سے بی جے پی اقتدار میں آئی ہے راجستھان میں ترقیاتی سرگرمیاں پوری طرح ٹھپ ہیں اور بی جے پی کے دورحکومت میں دلتوں پر مظالم ، اقلیتوں پر مظالم ماب لنچنگ کے واقعات پیش آئے ہیں جس سے نہ صر راجستھان بلکہ پورا ملک بدنام ہوا ہے۔
مسٹر صدیقی جو آل انڈیا مسلم ایڈووکیٹس فورم فور جسٹس کے سکریٹری جنرل بھی ہیں، نے کہاکہ کسی بھی جگہ ترقیاتی کام اسی وقت ہوتے ہیں جب امن قائم ہوتا ہے لیکن بی جے پی حکمرانی والی ریاستوں میں گائے، لوجہاد، گھر واپسی، نکاح و طلاق حلالہ کے موضوع کو اچھالاگیا اور ہندو اور مسلمان کے درمیان دراڑ ڈال کر نفرت کی بیج بوئی گئی جس
اور عوام کی توجہ روز روٹی اور روزگار سے ہٹانے کی پوری کوشش کی گئی ۔