گرفتاری کے خوف سے رکن اسمبلی جے این گنیش روپوش

Source: S.O. News Service | By Shahid Mukhtesar | Published on 23rd January 2019, 12:50 PM | ریاستی خبریں |

بنگلورو23جنوری (ایس او نیوز) بڈدی کے ایگل ٹن ریسارٹ میں ہوسپیٹ کے رکن اسمبلی آنند سنگھ پر حملہ کرنے والے رکن اسمبلی جے این ۔ گنیش کے خلاف بڑدی پولیس تھانہ میں ایف آئی آر داخل کرنے کی خبر کے بعد سے گنیش لاپتہ ہیں ۔ گرفتاری کے ڈر سے گنیش کے لاپتہ ہوجانے کی باتیں کی جارہی ہیں۔شہر کے شیشادری پورم میں واقع اپولو اسپتال میں زیر علاج رکن اسمبلی آنند سنگھ کا بیان قلم بند کرنے کے بعد بڑدی پولیس نے رکن اسمبلی گنیش کے خلاف کوشش قتل کامعاملہ درج کیا ہے۔ آنند سنگھ نے اپنی شکایت میں بتایاہے کہ گنیش نے ان پر حملہ کرتے ہوئے قتل کرنے کی کوشش کی تھی اور گن مین کے ہاتھ کو دانت سے کتر دیا تھا ۔گنیش کی اس نازیبا حرکت کے بعد اس معاملہ کو سنجیدگی سے لے کرپردیش کانگریس کمیٹی کے صدر دنیش گنڈو راؤ نے گنیش کو پارٹی سے معطل کردیا تھا ۔ اس اقدام سے گنیش اب کافی مشکل میں پڑ گئے ہیں ۔ ایک طرف گرفتاری کا خوف دوسری طرف عوامی تنقید ،ان سب سے دور رہنے کی غرض سے وہ روپوش بتائے جارہے ہیں۔ موبائل سے بھی وہ کسی کے رابطہ میں نہیں آرہے ہیں۔ گرفتاری کے ڈر سے گنیش نے قبل از وقت ضمانت حاصل کرنے کی کوشش شروع کردی ہے۔ بتایا جارہا ہے کہ ضمانت ملنے تک گنیش پولیس کے ہاتھ لگنے والے نہیں ہیں۔ گنیش کی تلاش کیلئے رام نگرم کے ڈپٹی سپرنٹنڈنٹ آف پولیس( ڈی وائی ایس پی ) پروشوتم اور بڑڈی کے انسپکٹر ہریش کی نگرانی میں تین ٹیموں کے تشکیل دےئے جانے کی اطلاع ہے ۔

ایک نظر اس پر بھی

شمالی کینرا پارلیمانی امیدوار آنند اسنوٹیکر کی انتخابی مہم میں وزیراعلیٰ کمارا سوامی اور ضلع انچارج وزیر دیشپانڈے کی شرکت

ضلع شمالی کینرا کی پارلیمانی سیٹ پرمرکزی وزیر اور بی جے پی امیدواراننت کمار ہیگڈے کے خلاف جنتادل ایس اور کانگریس کے مشترکہ امیدوار آنند اسنوٹیکر کی تشہیری مہم میں اس وقت تیزی آگئی جب ریاستی وزیراعلیٰ کماراسوامی اور ضلع انچارج وزیر آر وی دیشپانڈے نے مختلف مقامات پر انتخابی ...

ملک میں مجبور پی ایم چاہتی ہے کانگریس، کرناٹک میں ریلیوں میں پھرپاکستان کے حوالے سے مودی کاخطاب

معلق لوک سبھاکے تجزیئے کے درمیان اب بی جے پی نے واضح اکثریت مانگنی شروع کردی ہے ۔وزیر اعظم نریندر مودی نے جمعرات کو دعوی کیا کہ کانگریس ملک میں ایک مجبور وزیر اعظم بنوانا چاہتی ہے۔انہوں نے لوگوں سے مرکز میں قومی سلامتی پر زور دینے والی مضبوط حکومت بنوانے کی اپیل بھی کی۔شمالی ...

لوک سبھا انتخابات کا دوسرا مرحلہ ؛کشمیر سے کنیا کماری تک ہورہی ہے پولنگ؛ شام تک 61 فیصد پولنگ؛ جموں و کشمیر میں سب سے کم ووٹنگ

  لوک سبھا انتخاب کے دوسرے مرحلے کے لیے صبح 7 بجے سے ووٹنگ شروع ہو گئی ہے۔ دوسرے مرحلے میں ملک کی 12 ریاستوں کی 95 لوک سبھا سیٹوں پر ووٹنگ ہو رہی ہے، جس کے لئے 1.78 لاکھ پولنگ بوتھ بنائے گئے ہیں۔ اس میں 1629 امیدوار اپنی قسمت آزمائی کر رہے ہیں۔ دوسرے مرحلے کے دوران اتر پردیش کی 8، مغربی ...