بلدی اداروں کے انتخابات میں کانگریس جے ڈی ایس اتحاد کا شاندار مظاہرہ

Source: S.O. News Service | By Shahid Mukhtesar | Published on 3rd September 2018, 9:55 PM | ریاستی خبریں |

بنگلورو3؍ستمبر(ایس او نیوز) ریاست کے بلدی اداروں کے انتخابات میں کانگریس نے جہاں اپنی بالا دستی قائم کی ہے وہیں ریاستی عوام کی طرف سے کانگریس اور جے ڈی ایس کے اتحاد کی حمایت میں واضح فرمان صادر ہوا ہے۔

بیشتر بلدی اداروں میں کانگریس جے ڈی ایس اتحاد بی جے پی کو اقتدار سے محروم کررہا ہے۔ 2632 بلدی وارڈوں کے لئے ہوئے انتخابات میں شاندار کامیابی درج کرتے ہوئے کانگریس نے 982 بلدی وارڈوں پر کامیابی کا پرچم لہرایا ، جبکہ بی جے پی کو 929 سیٹوں پر کامیابی ملی ہے۔

ریاست کے حکمران اتحاد میں شامل جے ڈی ایس نے 375 سیٹیں جیتی ہیں۔ 329 آزاد امیدوار کامیاب ہوئے ہیں اور دیگر پارٹیوں سے34 امیدواروں کو کامیابی ملی ہے۔ بلدی اداروں کے انتخابات میں کانگریس جے ڈی ایس اتحاد کو جو زبردست کامیابی ملی ہے اس سے دونوں پارٹیوں کے لیڈروں میں اس بات پر کم و بیش اتحاد ہوگیا ہے کہ آنے والے لوک سبھا انتخابات میں اگر دونوں سیاسی جماعتیں متحد رہتی ہیں تو ریاست میں بی جے پی کے کامیابی کے امیدوں پر پانی پھیرا جاسکتا ہے۔

بلدی اداروں کے لئے انتخابات 31اگست کو کروائے گئے تھے، آج صبح ضلع اور تعلقہ مراکز میں ان بلدی اداروں کے ووٹوں کی گنتی ہوئی، تین سٹی کارپوریشنوں سمیت 105بلدی اداروں جن میں سٹی میونسپل کونسل ، ٹاؤن میونسپل کونسل اور ٹاؤن پنچایت شامل تھے۔ ان انتخابات میں جملہ 9121 امیدواروں نے اپنے قسمت آزمائی تھی، ان میں سے 30پہلے ہی بلامقابلہ منتخب ہوگئے تھے، باقی 2632 وارڈوں کے لئے نمائندوں کا انتخاب آج عمل میں آیا۔

سٹی کارپوریشنوں کی بات کی جائے تو شہری علاقوں میں بی جے پی کاغلبہ زیادہ رہا۔ 135 کارپوریشن سیٹوں میں سے بی جے پی نے 54 سیٹوں پر کا میابی حاصل کی ، کانگریس کو 36 سیٹوں پر جیت ملی، جے ڈی ایس نے 30سیٹیں حاصل کیں جبکہ 14؍ آزاد امیدوار منتخب ہوئے۔ سٹی میونسپالٹیوں کی 926 سیٹوں میں سے بی جے پی کو 370 ، کانگریس کو 294 ، اور جنتادل (ایس) کو106 سیٹوں پر کامیابی ملی۔ بی ایس پی کے دس اور 123آزاد نمائندوں کے ساتھ 23 دیگر پارٹیوں سے کامیاب ہوئے۔ ٹاؤن میونسپالٹی کی 1246 سیٹوں پر ہوئے انتخاب میں کانگریس نے 514 سیٹوں پر کامیابی درج کی۔ بی جے پی 375 ، جنتادل (ایس) 210بی ایس پی دو اور آزاد135 سیٹوں پر کامیاب ہوئے، جبکہ دیگر پارٹیوں سے دس نمائندے منتخب ہوئے۔

ٹاؤن پنچایتوں کے لئے ہوئے 355 سیٹوں کے نتائج میں کانگریس کو 130 بی جے پی کو138 اور جنتادل(ایس) کو29 پر کامیابی ملی۔ آزاد امیدوار 57 سیٹیں اور دیگر ایک سیٹ پر کامیاب رہے۔ضلعی سطح پر اگر نتائج کا جائزہ لیا جائے تو پہلی بار بلگاوی ضلع سے 144 آزاد امیدوار کامیاب ہوئے ہیں۔ ضلع کی جملہ 343 وارڈوں میں کانگریس نے 85 اور بی جے پی نے104 سیٹیں حاصل کی ہیں۔

جبکہ جنتادل (ایس) کودس سیٹیں ملی ہیں۔ باگلکوٹ میں بی جے پی کو161 سیٹوں پر جیت حاصل ہوئی ہے اور کانگریس 122 پر محدود رہی۔چامراج نگر میں بی جے پی کو 21 کانگریس کو 19اور جے ڈی ایس کو دس سیٹیں ملی ہیں۔ بیدر میں کانگریس کو 14 ، بی جے پی کو پانچ اور جے ڈی ایس کو تین سیٹیں ملی ہیں، چترادرگہ کی 89سیٹوں میں سے بی جے پی کو35 ، کانگریس کو 25 ، جے ڈی ایس کو 16 اور 13آزاد امیدواروں کو ملی ہیں۔

دکشن کنڑا ضلع میں بی جے پی42 ، کانگریس 30 ، جنتادل (ایس) چار ،آزاد دو اور دیگر گیارہ وارڈوں میں کامیاب ہوئے ہیں۔ ریاست کے جن اضلاع میں کانگریس اور جے ڈی ایس اتحاد کو اکثریت ملنے کی امید ہے ان میں میسور ،ٹمکور، ہاسن، ہاویری ، منڈیا، وغیرہ شامل ہیں۔ سٹی میونسپالٹی کی سطح پر نتائج دیکھے جائیں تو باگلکوٹ ، الکل، مدھول، بن ہٹی ، نپانی ، چامراج نگر، چترادرگہ، پتور، رانی بنور، اڈپی، سرسی، یادگیر، شورا پور، وغیرہ سی ایم سی میں بی جے پی کو اکثریت ملی ہے، جبکہ جمکھنڈی، شاہ آباد، کوپل، گنگاوتی، سندھنور، ڈانڈیلی وغیرہ میں کانگریس نے واضح اکثریت حاصل کی ہے۔ 

ایک نظر اس پر بھی

مودی دوبارہ منتخب ہونے پر ہٹلر بن جائیں گے۔ سابق وزیر اعلیٰ سدارامیا کابیان

سابق وزیراعلیٰ اور مخلوط ریاستی حکومت کی کوآرڈینیشن کمیٹی کے صدر سدارامیا نے باگلکوٹ میں کانگریسی امیدوار وینا کاشپناور کے لئے انتخابی مہم کے دوران کہا کہ بی جے پی والے دیش کادستور بدلنے کی بات کررہے ہیں۔ اگر دیش کے دھرم شاستر کا مقام رکھنے والے دستور کو بدلنے کی کوشش کی گئی ...

کرناٹکا میں لوک سبھا انتخابات کے دوسرے مرحلہ کی انتخابی مہم ختم 14حلقوں میں237امیدوار، کل23اپریل کو امیدواروں کی سیاسی قسمت کا فیصلہ ووٹر مشینوں میں ہوگا بند

ریاست میں ہورہے دوسرے مرحلہ کے لوک سبھا انتخابات کے لئے آج شام سیاسی انتخابی مہم اختتام کو پہنچ گئی۔ ریاست کے 14لوک سبھا حلقوں میں237امیدوار میدان میں ہیں۔

ووٹر فہرست سے رائے دہندوں کے ناموں کے غائب ہونے کا معاملہ کئی شکایت کے بعدالیکشن کمیشن چوکنا ،جانچ کرنے کا فیصلہ

بنگلور شہری ضلع کی حدودمیں آنے والے پارلیمانی حلقوں میں کئی افراد نے ووٹر فہرست سے اپنے نام غائب رہنے کی شکایتیں کی ہیں۔ریاستی انتخابی کمیشن نے اس معاملہ کوسنجیدگی سے لے کراس کی مکمل جانچ کروانے کا فیصلہ کیا ہے ۔

وزیر اعظم کی ذاتی زندگی کونشانہ بنانے پر ضمیر احمد خان کے خلاف الیکشن کمیشن میں بی جے پی کی شکایت

ریاستی وزیر برائے اقلیتی امور ،اوقاف ، حج اور غذا وشہری رسدات بی زیڈ ضمیراحمد خان کے ہاویری میں کانگریس امیدوار ڈی ۔ آر پاٹیل کے انتخابی ریلی کے دران وزیر اعظم نریندر مودی کے خلاف بیان دینے پر بھارتیہ جنتا پارٹی ( بی جے پی ) نے انتخابی کمیشن میں شکایت کی ہے ۔

چوکیدار کا مطلب سب سے بڑا چور ہے:سدارامیا

سابق وزیراعلیٰ سدارامیا نے کہا کہ ملک کے بے روز گار نوجوان بر سر اقتدار نریندر مودی سے روز گار کا سوال کرتے ہیں تو مودی ان نوجوانوں کو پکوڑے بنانے کی صلاح دیتے ہیں۔

اُترکنڑا میں کرناٹکا کے وزیراعلیٰ کی کارکو 13 جگہوں پر روک کر تلاشی لینے کے بعد اب سابق وزیراعظم کے ہیلی کاپٹرکی بھی لی گئی تلاشی

3/اپریل کو کرناٹک کے وزیراعلیٰ کماراسوامی کی کار کو قریب 13 جگہوں پر روک کر تلاشی لینے کی کاروائی کے بعد اب اُن کے والد  اور ملک کے سابق وزیراعظم  ایچ ڈی دیوے گوڈا صاحب  کے   ہیلی کاپٹر کی تلاشی لینے کی بات سامنے آئی ہے، جس پر سیاسی لیڈران  مرکزی حکومت  پر یکطرفہ کاروائی کرنے ...