کرناٹک لجسلیٹیوکونسل کی خالی نشستوں کیلئے دوکانگریس امیدواروں کا اعلان
بنگلورو24 ستمبر(ایس او نیوز) ریاستی کونسل کی خالی نشستوں کے لئے 4 اکتوبر کو ہونے والے انتخابات کے لئے آج کانگریس کورکمیٹی کے اجلاس میں سابق وزیر ریاستی اقلیتی کمیشن کے چیرمین نصیراحمد اور ایم سی وینوگوپال کے نام منتخب کئے گئے ہیں ۔24 ستمبرکو نامزدگی داخل کرنے کی آخری تاریخ ہے ۔ 4 اکتوبرکو پولنگ ودھان سودھا میں منعقد ہوگی۔ شام 4بجے کے بعد ووٹوں کی گنتی کے بعد نتائج کا اعلان کیا جائے گا۔ نصیراحمد اس سے قبل رکن اسمبلی اوررکن کونسل کی حیثیت سے کانگریس کے دور حکومت میں وزیر رہ چکے ہیں ۔ کانگریس اعلیٰ کمان سے مشورہ کے بعد آج دونوں کانگریس امیدواروں کے ناموں کا اعلان ہوا ہے ۔ کل صبح 11:30 بجے نصیراحمد اور وینوگوپال اپنے نامزدگی کاغذات داخل کریں گے ۔