میری سیاست کارنگ بھگوانہیں ہے:کمل ہاسن

Source: S.O. News Service | By Shahid Mukhtesar | Published on 12th February 2018, 12:12 PM | ملکی خبریں |

نیویارک،11فروری(ایس او نیوز؍آئی این ایس انڈیا)اداکار سے سیاست داں بنے کمل ہاسن نے اتوار کو امریکہ کے ہارورڈ یونیورسٹی میں طلبہ سے خطاب کیا۔ یہاں انہوں نے تمل ناڈو کی سیاست پر اپنی پوزیشن کو صاف کیا۔ اس کے ساتھ ہی رجنی کانت کے ساتھ اتحاد کے سوال پر کمل ہاسن نے کہا کہ میں رجنی کانت کا دوست ہوں، ہمارے ارادے شاید ایک جیسے ہوں لیکن مجھے نہیں لگتا کہ ہم دونوں ایک ساتھ مل کر کام کرسکیں گے۔ بتادیں کہ کچھ دنوں سے دونوں کے ممکنہ اتحاد پربحث زورں پرتھی۔ رجنی کانت کے ساتھ اتحاد کے سوال پر کمل ہاسن نے کہا کہ میں رجنی کانت کا دوست ہوں، ہمارے ارادے شاید ایک جیسے ہوں لیکن مجھے نہیں لگتا کہ ہم دونوں ایک ساتھ مل کر کام کرسکیں گے، مجھے امید ہے کہ اس کی سیاست کا رنگ بھگوا نہیں ہوگا، میری سیاست کا رنگ بھگوا نہیں ہے، مذہب پر ہمارے خیالات مختلف ہیں۔ کمل ہاسن نے مزید کہا کہ میری سیاست کا رنگ کالا ہے، میں ہر رنگ کو جمع کرنا چاہتا ہوں۔بیف پر کمل ہاسن نے کہا کہ حکومت شہریوں کو مناسب خوراک فراہم نہیں کر پارہی ہے اور وہ ہمیں بتانا چاہتی ہے کہ ہمیں کیا کھانا چاہئے اور کیا نہیں کھاناچاہئے۔لوجہادکے معاملے پرہاسن نے کہاکہ دنیا بھر میں محبت ہی کی کامیابی ہو گی۔کمل ہاسن نے کہا کہ میں تمل ناڈو کے ہر ضلع سے ایک گاؤں کو اپنانے والا ہوں، میں ان گاؤں کو تعمیری مرکز کے اتھارٹی کے طور پر بنانا چاہتا ہوں۔ کمل ہاسن نے مزید کہاکہ جب ووٹر ووٹ ڈالنے کے لئے پیسے لیتا ہے، اسی وقت وہ رہنماؤں کو یہ حق دیتا ہے کہ وہ جیتنے کے بعد پیسہ کمائیں۔اس سے پہلے اتحاد کے سوال پر رجنی کانت نے کہا تھاکہ اس سوال کا جواب صرف وقت ہی دے گا۔ دراصل رجنی کانت نے پہلے ہی اعلان کیا ہے کہ ان کی پارٹی تمل ناڈو اسمبلی میں 234 نشستوں پر مقابلہ کرے گی۔وہیں ہاسن نے اپنی سیاسی جماعت بھی بنانے کے بارے میں بات کی ہے۔

ایک نظر اس پر بھی

رافیل :مودی نے اپنی چوری تسلیم کرلی !راہل فضائیہ سے پوچھے بغیرمعاہدہ میں تبدیلی کی گئی

رافیل طیارہ سودا کے معاملے میں مودی حکومت کو مسلسل نشانہ بنانے والے کانگریس کے صدر راہل گاندھی نے ایک بار پھر آج وزیر اعظم نریندر مودی پر حملہ کرتے ہوئے کہا کہ انہوں نے سپریم کورٹ میں دائر حلف نامے میں اپنی غلطی تسلیم کرلی ہے ۔

الہ آبادکانام بدلنے پر چیلنج

الہ آباد ہائی کورٹ کی لکھنؤ بنچ نے الہ آباد کا نام بدل کر پریاگ راج کئے جانے کے معاملے میں عوامی عرضی پر ریاستی حکومت سمیت دیگر فریقوں سے جواب مانگا ہے ۔

وزیر اعظم نے مانا کہ فضائیہ سے بغیر پوچھے بدلا تھا رافیل کا کنٹریکٹ: راہل گاندھی نے کی ٹویٹ، کہا؛ پکچر ابھی باقی ہے

کانگریس صدر راہل گاندھی نے سپریم کورٹ میں حکومت کے رافیل معاملے سے متعلق حلف نامے کو لے کر منگل کو وزیر اعظم نریندر مودی پر نشانہ لگایا اور دعوی کیا کہ مودی نے فضائیہ سے پوچھے بغیر کنٹراکٹ بدلنے کی بات قبول کر لی ہے۔گاندھی نے ٹویٹ کر کہاکہ سپریم کورٹ میں مودی جی نے مانی اپنی ...

منی لانڈرنگ معاملے میں صحافی اپیندر رائے کی ضمانت کی درخواست مسترد

دہلی کی ایک عدالت نے مبینہ طور پر زبردستی وصولی اور مشکوک مالیاتی لین دین سے متعلق منی لانڈرنگ کے ایک معاملے میں گرفتار صحافی اپیندر رائے کی ضمانت کی درخواست منگل کو مسترد کر دی۔ایڈیشنل سیشن جج راکیش سیال نے رائے کو یہ کہہ کر راحت دینے سے انکار کر دیا کہ ان کے خلاف لگے الزامات ...