خاکروبوں کو مستقل ملازمت کا فیصلہ عنقریب: میئر سمپت راج 

Source: S.O. News Service | By Shahid Mukhtesar | Published on 2nd September 2018, 12:06 PM | ریاستی خبریں |

بنگلورو2 ؍ستمبر(ایس او نیوز) شہر میں خاکروبوں کو ملازمت دینے کے متعلق جلد منظوری کا مطالبہ کرتے ہوئے عنقریب وزیر اعلیٰ سے تبادلۂ خیال کیا جائے گا۔ یہ بات شہر کے میئر سمپت راج نے کہی۔ آج بی بی ایم پی گلاس ہاؤز میں خاکروبوں کی سالانہ تقریب میں حصہ لیتے ہوئے انہوں نے کہاکہ خاکروبوں کو مستقل ملازمت اور دیگر سہولتوں کی فراہمی کے لئے پہلے ہی ضروری قدم اٹھائے گئے ہیں۔ ریاستی حکومت سے منظوری کے فوراً بعد تقررات کے اجراء کے کارروائی شروع کی جائے گی۔

اس موقع پر بی بی ایم پی کمشنر منجوناتھ پرساد نے کہاکہ فی الوقت برسر ملازمت خاکروبوں کو تمام سہولتیں فراہم کی گئی ہیں۔ انہوں نے کہاکہ رواں سال چار ہزار خاکروبوں کو مستقل ملازمت فراہم کرنے کے لئے فائل ریاستی حکومت کو روانہ کردی گئی ہے۔ منظوری ملتے ہی ان تمام کو شہر کی حدود میں تعینات کردیاجائے گا۔

شہر میں پاکی صفائی یقینی بنانے والے 324خاکروبوں کواس موقع پر خصوصی اعزازسے سرفراز کیا گیا۔ تقریب میں ڈپٹی میئر پدماوتی نرسمہا مورتی ، حکمران پارٹی لیڈر شیوراج ، بی بی ایم پی کے اعلیٰ افسر منوج مینا، جوائنٹ کمشنر سرفراز خان اور دیگر موجود تھے۔

ایک نظر اس پر بھی

روشن بیگ کے خلاف کانگریس کی کارروائی، پارٹی مخالف سرگرمیوں کے الزام میں معطل

کرناٹک کے سابق ریاستی وزیر آرروشن بیگ کے خلاف کانگریس نے کارروائی کی ہے۔ انہیں پارٹی مخالف سرگرمیوں کے الزام میں معطل کردیا گیا ہے۔ روشن بیگ نے کانگریس کے ریاستی لیڈروں کے خلاف نازیبا الفاظ استعمال کئے تھے۔ آل انڈیا کانگریس کمیٹی سے منظوری ملنے کے بعد کرناٹک پردیش کانگریس ...

رہائشی علاقوں میں کاروباری سرگرمیوں پر روک لگانے میں بلدیہ ناکام

بنگلور شہر کے رہائشی علاقوں میں رہائشی عمارتوں کے اندر سے کاروباری سرگرمیوں پر قدغن لگانے کے سلسلہ میں بروہت بنگلورو مہا نگرا پالیکے (بی بی ایم پی) کی مہم مکمل طور پر ناکام رہی ہے اور پچھلے دو سالوں کے عرصہ میں بلدیہ کی طرف سے صرف پانچ فیصدی ایسے اداروں کو بند کیا گیا ہے-

ٹریفک سے بد حال بنگلوروکو میٹرو سے بڑی راحت

شہر کے راستوں کی بدحالی اور ہر جگہ ٹریفک کے اژدھام نے شہریوں کو بے بس کر رکھا ہے اور عام عوام متبادل نظام نقل و حمل کی جستجومیں لگے ہوئے ہیں اسی لئے میٹرو ریل کی خدمات روز بروز عوام میں مقبولیت حاصل کرتی جا رہی ہے-

بنگلورو کے ایک ہی علاقہ میں ڈینگو کے 47 معاملات

پچھلے کچھ ہفتوں سے اییپا نگر علاقہ کے مکین بار بار اسپتالوں کے چکر لگاتے رہے ہیں، مقامی مکینوں کی فلاحی انجمن کے مطابق پچھلے کچھ ہی دنوں کے دوران اس علاقہ میں کم از کم 47 افراد کو ڈینگو کی وجہ سے اسپتال میں داخل کیا جا چکا ہے-