چنتامنی،16 ؍ستمبر(سید اسلم پاشاہ ؍ایس او نیوز) عورتیں معاشرے میں مردوں کے برابر ہی نہیں بلکہ بعض خواتین تو مردوں سے بھی آگے ہیں کیونکہ عورتوں کو صبح اُٹھتے ہی چائے بنانے کے ساتھ ساتھ ناشتہ تیار کرکے خود کھانا اور بچوں کو کھلانے پلانے کے ساتھ لنچ باکس تیار کرکے اسکول روانہ کرنا پھر اس کے بعد گھر کے سارے احباب کو ناشتہ دینے کے بعد جھاڑو پوچھا کرکے ملازمت کے لئے جاناآفس کاکام ختم کرکے گھر لوٹنے کے بعد پھر گھر کے کام وکاج میں مشغول ہوجانا یہ خواتین کا روز مرہ کے معمولات ہیں ان خیالات کااظہار کنڑا شاعر و میر معلمہ حسینہ بیگم صاحبہ نے کیا۔
شہر کے وانی انگلیش اسکول میں شری دھرمستھلارورل ڈیولپمنٹ آرگنائزیشن کی جانب سے منعقد ہ خواتین پر ظلم اور بیداری پروگرام سے خطاب کرتے ہوئے انہوں نے کہا کہ خواتین تعلیمی خدمات انجام دینے کے ساتھ ساتھ جملہ شعبہ حیات میں مردوں کے شانہ بشانہ ہی نہیں بلکہ مردوں سے بھی دو قدم آگے ہیں انہوں نے کہا کہ کسی بھی مرد کی کامیابی کے پیچھے کسی نہ کسی خاتون کا ہی ہاتھ ہوتا ہے ان تمام خدمات کے باوجود آج بھی خواتین مظلوم کی مظلوم ہی ہیں ۔
انہوں نے مزید کہا کہ آج خواتین پر ظلم پر ظلم ہو رہا ہے اس میں کئی خامیاں خواتین کی بھی ہوتی ہے البتہ مرد حضرات زیادہ زمہ دار ہوتے ہیں۔ انہوں نے مزید کہا کہ تعلقہ بھر کے علاوہ ریاست بھر میں بھی خواتین پر ظلم بڑھ گیا ہے اس کو مٹانے کے لئے تمام خواتین کو متحد ہونے کی ضرورت ہے ۔
شری دھرمستھلارورل ڈیولپمنٹ آرگنائزیشن کے تعلقہ ڈائرکٹر چندرا شیکھرا نے بھی خطاب کیا اس موقع پرشری دھرمستھلارورل ڈیولپمنٹ آرگنائزیشن کی سنئر افسر سُمالتاآرتی منجولا سمیت کئی خواتین موجود تھیں۔