چنتامنی دی نیو ہریزن اسکول میں سائنس ایگز بیشن کا کامیاب انعقاد 

Source: S.O. News Service | By Shahid Mukhtesar | Published on 9th January 2017, 3:16 PM | ریاستی خبریں |

چنتامنی:9 /جنوری(محمد اسلم/ایس او نیوز )شہر کے ونائک نگر میں واقع دی نیو ہریزن اسکول میں آج سائنس ایگزبیشن کا انعقاد کیا گیا تھا جسمیں اسکول کے طلباء طالبات نے بڑھ چڑھ کر حصہ لیتے ہوئے بہترین سائنسی نمونوں کو پیش کیا اور ان نمونوں کے تعلق سے سامعین کے سامنے انگریزی میں تشریح کی مہمان خصوصی کے طور پر سابق بلدیہ صدر وینکٹ رونا سوامی کونسلر اللہ بخشء قادری وغیرہ نے شرکت کی ۔

اس موقع پر اسکول میں ہی ایک تقریب منعقد ہوئی جس  سے خطاب کرتے ہوئے اسکول کے سکریٹری عارف اللہ نے کہا کہ تعلیمی و معاشرتی بیداری وقت کا اہم تقاضہ ہے معاشرہ میں بچوں کو بہترین تعلیم سے آراستہ کرنے کیلئے سب سے زیادہ ذمے داری والدین پر ہوتی ہے بچے کا باپ ایک حصے کی ترجمانی کرتا ہے تو دوسرے حصے کی ترجمانی ماں کرتی ہے دونوں ایک گاڑی کے دوپہے ہیں انہوں نے کہا کہ بچے کچی مٹی کی مانند ہوتے ہیں انہیں جس سمت موڑ دیا جائے بڑی آسانی سے مڑجاتے ہیں اس ضمن میں سب سے پہلے گھر اور اساتذہ کو ان کی مثبت رہنمائی کرنی ہوگی وگرنہ معصوم ہونے کے باعث بچوں میں قوت برداشت کا فقدان انہیں بھی منفی قوت کا آلہ کار بنا کر اپنے ساتھ ساتھ سماج کیلئے بھی ناسور بناسکتا ہے قوت برداشت کا فقدان بچوں میں بدرجہ اتم موجود ہوتا ہے اگر صحیح تعلیم اور رہنمائی حاصل نہیں ہوئی تو یہ قوت برداشت انہیں گمراہی کی جانب لے جاتی ہے گیارہ تا تیرہ سال کی عمر وہ عمر ہے جس میں بچے کے اندر بے انتہا صلاحیتیں کروٹ لیتی رہتی ہیں ان کے اندر موجود فنی صلاحیتوں کو پہچاننے میں کامیابی حاصل کرلی تو عین ممکن ہے کہ ان کے مستقبل کا رُخ موڑ دیا جاسکتا ہے اگر انہیں نظر انداز کردیا گیا تو یہ بھی ممکن ہے کہ بچے بری عادتوں کا شکار ہوجائیں۔

بعد ازاں اسکول کی ہیڈ ٹیچر نور صباء میڈم نے بھی خطاب کرتے ہوئے کہا کہ اگر بچوں کو علوم اور فنون کے ڈھانچے میں ڈھالا جائے تو یہ بچے آگے چل کر بہت نام اور ترقی پا سکتے ہیں طلباء و طالبات کے اندر چھپے ہوئے ہنر ،فن اور صلاحیتوں کو اساتذہ علم کے زریعہ نکھار سکتے ہیں ۔سابق بلدیہ صدر وینکٹ رونا سوامی نے بھی اسکول کے تمام کمروں میں رکھے گئے سائنس اینڈ ٹیکنالوجی کے مختلف شعبوں کا معائنہ کرنے کے بعد کہا کہ میں تو یہاں نمائش دیکھنے کو حاضر ہوا تھا لیکن یہاں کے بچوں کی صلاحیتوں کو دیکھ کر میں خود حیرت زدہ رہ گیا۔ ایسے پسماندہ علاقے میں اتنے باصلاحیت بچوں کو دیکھ کر مجھے رشک ہونے لگا غریب علاقوں میں ہی علم و فن کے جوہرنظر آنے لگے ہیں اور بچوں کے اندر قدرت کے بے بہاکرشمہ دیکھنے کو ملتے ہیں۔   سائنس نمائش کو دیکھنے کیلئے کثیر تعدا د میں لوگ آرہے تھے۔اس موقع پر اسکول کے پرنسپال ایوب پاشاہ ہیڈ ٹیچر نور صباء ٹیچرنویدپاشاہ سمیت کئی ٹیچرس اور طلباء کے والدین وغیرہ شریک رہے ۔

ایک نظر اس پر بھی

بغاوت کی شدت کے دوران بی جے پی نے کمٹہ میں دیا دینکر شٹی کو ٹکٹ ؛ کمٹہ بی جے پی امیدوار کا مسئلہ بن گیا تھا اننت کمار کے پاؤں کی زنجیر

بھارتیہ جنتا پارٹی کے اندراسمبلی ٹکٹ کے مسئلے پر جو اندرونی بغاوت ہے وہ ضلع شمالی کینرا میں اب سڑک پر اترتی دکھائی دے رہی ہے۔ ضلع میں اپنی پسند کے امیدواروں کو ٹکٹ دلانے اور اپنی قیادت کا پرچم لہرانے کا منصوبہ بنائے ہوئے مرکزی وزیر اننت کمار ہیگڈے کے لئے کمٹہ اسمبلی سیٹ کا ...

کرناٹکا اسمبلی انتخابات: پولنگ اوقات میں ایک گھنٹے کی توسیع؛ نامزدگیوں کا اندراج شروع؛ یڈیورپا ، ڈی کے شیوکمار، ایشورپا، رمیش کمار وغیرہ نے بھرا پرچہ

12 مئی کو ہونے والے کرناٹک کے ریاستی اسمبلی انتخابات کے لئے الیکشن کمیشن نے پولنگ کے اوقات میں اضافے کا فیصلہ کیا ہے۔ چیف الیکٹورل افسر سنجیو کمار نے بتایا کہ پہلے پولنگ صبح سات بجے سے شام پانچ بجے تک تھی، مگر اب اسے بڑھا کر  صبح سات بجے سے شام چھ بجے تک رکھا گیا ہے،انہوں نے توقع ...