کیوار میں ہمارا گاؤں ہمارا تالاب منصوبہ کا آغاز
چنتامنی:23 /مارچ(محمد اسلم/ایس او نیوز)دھرمستالہ دیہی ترقی یوجنامیں یہاں کے کیوار ہوبلی میں ہمارا گاؤں ہمارا تالاب منصوبہ کے تحت 15لاکھ روپئے کے لاگت سے آغاز کیا گیا اس موقع پر دھرمستالہ دیہی ترقی کے ڈائرکٹر چندرہ شیکھرا نے خطاب کرتے ہوئے کہا کہ ڈیزل پٹرول و گیس کے بے تحاشہ استعمال سے ماحولیات کا توازن بگڑتا جارہا ہے جس کی وجہ سے برسات کی قلت آندھی طوفان وبھوکمپ کا سامنا کرہ ارض کے باشندوں کو کرنا پڑرہا ہے انہوں نے کہا کہ آج کل مختلف اقسام کی بیماریاں انسا ن کو گھیرے ہوئے یہ بھی ماحولیات میں عدم توازن کی وجہ سے ہے انہوں نے کہا کہ ماحولیات کو بگڑنے سے بچانے کا بس ایک ہی طریقہ ہے کہ ہم کثرت سے پیڑ پودے اور درخت لگائیں اور لگائے پیڑ پودوں کی نگہ بانی وآبیاری کریں ۔
انہوں نے کہا کہ تالابوں کی زمین پر غیر قانونی طور پر قبضہ کرکے دوسرے کاموں کے لئے استعمال کیاجارہا ہے اسی طرح جنگلات کو تباہ وبرباد کیاجارہا ہے تالابوں اور جنگلات کی حفاظت ہماری اجتماعی ذمہ داری بنتی ہے اس کام کے لئے تمام کو آگے آنے کی ہم تمام کی ضرورت ہے اگر لاپروائی کی گئی تو تالاب اور جنگلات تباہ ہوجائینگے تالابوں کی زمینات پر قبضہ کی وجہ سے پانی کی قلت پیدا ہوگئی ہے ۔
انہوں نے مزید کہا کہ یہ ملک ہر مکتبہ فکر و جملہ شعبہ حیات میں کام کاج کرنیوالوں کا ملک ہے صرف سرکار اور حکومتوں کی ہی ذمہ داری نہیں ہے بلکہ اس ملک کو ترقی کی راہوں پر گامزن کرنے کے لئے یہاں پر رہ رہے ہر انسان کی ذمہ داری ہے کہ وہ اپنی بساط بھرکوشش کرے حکومتی ادارے میں موجو د حکام وافسران اور شہری انتظامیہ پر ہی مکمل انحصار کرنا درست نہیں ہے بلکہ ہندوستان کے ہر عام شہری کی ذمہ داری ہے کہ وہ اپنے طور پر سماجی تنظیموں سے جڑیں اور فلاح بہبودکے کام وکاج میں بڑھ چڑھ کر حصہ لیں ۔اس موقع پر کیوار گرام پنچایتی صدر شیلاج منجوناتھ بالاجی جے پی ماروتی سمیت کئی لوگ موجود رہے۔