بنگلورو،9؍اکتوبر(ایس او نیوز) ہندو عقائد کے اعتبار سے کل منائی گئی مہالیااماواس کا اثر وزیر اعلیٰ ایچ ڈی کمار سوامی پر کچھ اس طرح رہا کہ آج انہوں نے دوپہر تک اپنے تمام سرکاری پروگرام منسوخ رکھے تاکہ ان کی کسی بھی سرگرمی پر اماواس کا اثر نہ پڑے۔ دفتر وزیراعلیٰ سے باضابطہ اعلان کیا کہ وزیراعلیٰ دوپہر ڈھائی بجے تک کسی بھی پروگرام میں شرکت نہیں کریں گے، تو دوسری طرف آج نائب صدر جمہوریہ ایم وینکیا نائیڈو شہر میں موجود رہے اور تقریبات میں شرکت کی۔ پروٹو کول کا تقاضہ یہ تھاکہ نائب صدر کی آمد پر گورنر کے ہمراہ ایرپورٹ پہنچ کر ان کا استقبال کرتے ، لیکن اس سے بھی کمار سوامی غیر حاضر رہے اور نائب صدر کا استقبال کرنے کے لئے وزیر دیہی ترقیات کرشنا بائرے گوڈاکو تقریبات میں شرکت کے لئے وزیر کوآپریشن بینڈپا قاسم پور کو متعین کردیا۔اسکاؤڈس اینڈ گائیڈس کے بانی دین دیال نائیڈو کی صد سالہ تقریبات میں شرکت کے لئے نائب صدر جمہوریہ پہنچے تو ان کے ہمراہ گورنر واجو بھائی والا اور ریاستی وزیر بینڈپا قاسم پور رہے۔ وزیر اعلیٰ شریک نہیں ہوئے۔دوپہر بعد ہی انہوں نے اپنی سرکاری مصروفیات کی شروعات کی۔