نئی دہلی :12/نومبر(ایس او نیوز/آئی این ایس انڈیا)چھتیس گڑھ میں سخت سیکورٹی کے درمیان پہلے مرحلے کی ووٹنگ ختم ہو گئی ہے ۔ پہلے مرحلے میں کل 70 فیصد ووٹنگ ہوئی۔ کونڈا گاؤں میں61.47%، کیش کال 63.51%، کانکیر میں62%، بستر میں58%، دنتے واڑہ میں49%، خیرا گڑھ میں70.14%، ڈونگرگڑھ میں 71 فیصد اور کھجی میں72%فیصد لوگوں نے اپنے ووٹ کے حق کا استعمال کیا۔ پہلے مرحلے میں نکسل متاثرہ آٹھ اضلاع کے ووٹروں نے وزیر اعلی رمن سنگھ سمیت 190 امیدواروں کی قسمت ای وی ایم میں بند کر دیا۔ 10 اسمبلی حلقوں میں صبح سات بجے سے دوپہر تین بجے تک ووٹ ڈالے گئے۔ وہیں باقی آٹھ اسمبلی حلقہ جس سے راج ناندگاؤں ضلع کے پانچ اور بستر ضلع کے تین اسمبلی حلقہ شامل ہیں ،میں صبح آٹھ بجے سے شام پانچ بجے تک ووٹ ڈالے گئے؂ انہوں نے بتایا کہ پہلے مرحلے میں کل پولنگ مراکز کی تعداد 4336 ہے. جہاں31,80,014ووٹر اپنے ووٹ کا حق استعمال کریں گے؂ ان میں مرد ووٹروں کی تعداد15,57,435 اور عورت ووٹروں کی تعداد16,22,492 ہے؂ وہیں 87 ووٹر تیسری جنس کے بھی ہیں۔ واضح ہو کہ چھتیس گڑھ میں اسمبلی انتخابات کے پہلے مرحلے کی ووٹنگ سے ایک دن پہلے نکسلیوں نے کانکیر میں بی ایس ایف کو نشانہ بناتے ہوئے سیریل بلاسٹ کیا۔ اس حملے میں بی ایس ایف کے ایک ایس آئی شہید ہو ئے تھے ۔ وہیں، بیجاپور میں سیکورٹی فورسز اور نکسلیوں کے درمیان تصادم میں ایک نکسلی ڈھیر ہوا ہے جبکہ ایک دیگر کو گرفتار کیا گیا ہے۔