سی بی آئی بمقابلہ ممتا: راجناتھ نے گورنر سے کہا، حالات کا جائزہ لیں
نئی دہلی4فروری(ایس او نیوز؍آئی این ایس انڈیا)مرکزی وزیر داخلہ راج ناتھ سنگھ نے مغربی بنگال کے گورنر کیسری ناتھ ترپاٹھی سے ریاست کے موجودہ حالات کا جائزہ لینے کو کہا ہےأحکام نے پیر کو مذکورہ معلومات دیا۔
غور طلب ہے کہ شاردا پوجي گھوٹالہ معاملے میں کولکاتہ پولیس کمشنر سے پوچھ گچھ کرنے پہنچے سی بی آئی کی ایک ٹیم کو دروازے پر ہی روک دیاگیااور اسے حراست میں لینے کے بعد سے ریاست میں سنجیدہ صورتحال بنی ہوئی ہے۔وزیر اعلی ممتا بنرجی بھی اس معاملے کو لے کر اتوار کی رات سے دھرنے پر بیٹھی ہوئی ہیں۔حکام نے بتایا کہ وزارت نے مغربی بنگال میں مرکزی تفتیشی بیورو (سی بی آئی) کے سرکاری اور رہائشی کمپلیکس میں مرکزی فورسز کو تعینات کرنے کا فیصلہ کیا ہے۔انہوں نے کہاکہ وزارت داخلہ حالات پر قریبی نظر رکھ رہا ہے۔
حکام نے بتایا کہ وزارت داخلہ کو اتوار کی شام اطلاع ملی تھی کہ سپریم کورٹ کی ہدایات کے تحت شاردا گھوٹالے کی جانچ کر رہے سی بی آئی افسر کولکاتہ میں نجی سیکورٹی کو لے کر خطرہ محسوس کر رہے ہیں۔حکام کے مطابق ترپاٹھی نے راج ناتھ سنگھ سے کہا کہ انہوں نے چیف سکریٹری اور پولیس ڈائریکٹر جنرل (ڈی جی پی) کو طلب کیا ہے اور صورتحال سے نمٹنے کے لئے فوری اقدامات کرنے کی ہدایت بھی دی ہے۔انہوں نے کہا کہ سی بی آئی جوائنٹ ڈائریکٹر کی رہائش گاہ کو کولکاتہ پولیس کی طرف سے گھیرے جانے کی بھی اطلاعات ہیں۔