اگلا نمبر کس کے والد کا ہوگا ؟ ہندو مسلم تنازعہ میں میرے والد نے جان گنوائی:انسپکٹر کا بیٹا 

Source: S.O. News Service | By Shahid Mukhtesar | Published on 5th December 2018, 1:21 AM | ملکی خبریں |

لکھنؤ،04؍ دسمبر (ایس او نیوز؍آئی این ایس انڈیا) بلند شہر میں گؤکشی کو لے کر بھیڑ تشدد میں مارے گئے پولیس انسپکٹر کے بیٹے نے کہا ہے کہ ان کے والد چاہتے تھے کہ وہ ایک اچھا شہری بنے جو مذہب کے نام پر تشدد نہ بھڑکائے۔ابھیشیک سنگھ نے کہاکہ میرے والد نے اس ہندو مسلم تنازعہ میں اپنی زندگی گنوا ئی ہے۔اگلا نمبر کس کے والد کا ہوگا ؟ پولیس پر حملے کے دوران انسپکٹر سبودھ سنگھ اور ایک 20 سالہ نوجوان کی موت ہو گئی تھی۔سبودھ سنگھ نے 2015 میں بیف کھانے کو لے کر پھیلی افواہ کے بعد دادری رہائشی محمد اخلاق قتل کیس کی ابتدائی جانچ کی تھی۔انسپکٹر کی بہن نے الزام لگایا کہ قتل پولیس کی ایک سازش ہے۔سنیتا سنگھ نے بتایاکہ پولیس نے ایک سازش میں میرے بھائی کا قتل کیا کیونکہ اس نے ایک فرضی گؤکشی کے مجرم اخلاق کی جانچ کی تھی۔انہوں نے کہاکہ انہیں شہید کا درجہ دیا جانا چاہئے اور ہمارے آبائی مقام پر ان کا ایک یادگار بنایا جانا چاہئے۔سنیتا نے وزیر اعلی یوگی آدتیہ ناتھ پر ناراضگی ظاہر کرتے ہوئے کہا کہ گائے ہماری ماں ہے۔میں اس کو قبول کرتی ہوں۔میرے بھائی نے اپنی زندگی ان کے لئے دے دی۔وزیر اعلی گائے، گائے، گائے کرتے رہتے ہیں۔وہ گائے کی حفاظت کے لئے اقدامات کیوں نہیں اٹھاتے؟ 

ایک نظر اس پر بھی

آندھرا پردیش اسمبلی انتخا بات میں تیلگو دیشم پارٹی کو بھاری شکست کےآثار؛ جگن موہن ریڈی کی وائی ایس آر کانگریس کو مل رہی ہے شاندار کامیابی

آندھرا پردیش میں اسمبلی انتخابات  کے ووٹوں کی گنتی جاری ہے، مگر دوپہر تک ملی اطلاع کے مطابق  یہاں وائی ایس آر کانگریس کے جگن موہن ریڈی بھاری جیت درج کرتے نظر آرہے ہیں اور برسراقتدار پارٹی تیلگودیشم صرف 29 سیٹوں پر سمیٹتی نظر آرہی ہے۔یہاں صرف ان ہی دو پارٹیوں کے درمیان راست ...

انتخابات کے دوران تشدد معاملہ:سپریم کورٹ نے بی جے پی امیدوار ارجن سنگھ کو دی راحت، 28 مئی تک گرفتاری پر لگائی روک

مغربی بنگال کے بیرکپور سے بی جے پی امیدوار ارجن سنگھ کو سپریم کورٹ سے راحت مل گئی ہے۔سپریم کورٹ نے 28 مئی تک ان کی گرفتاری پر روک لگا دی ہے۔غور طلب ہے کہ ارجن سنگھ نے کہا تھاکہ مجھ پر ریاستی حکومت نے 21 کیس درج کئے ہیں۔

رافیل معاملہ: سپریم کورٹ سے اپیل،بند لفافے میں غلط معلومات دینے والے افسران کے خلاف کارروا ئی ہونی چاہیے 

رافیل معاملے پر تنازعہ ختم ہوتا نظر نہیں آ رہا ہے۔اس معاملے میں درخواست گزار یشونت سنہا، ارون شوری اور پرشانت بھوشن نے نظر ثانی کی درخواست پر تحریری دلیلیں سپریم کورٹ میں داخل کی ہیں۔

جبل پورسیمی مقدمہ،دہشت گردی کے الزام سے نچلی عدالت سے بری ملزمین کے خلاف داخل حکومت کی اپیل خارج،جمعیۃ علماء کی کوششوں سے ملزمین کو راحت ملی: گلزار اعظمی

ممنوعہ تنظیم اسٹوڈنٹس اسلامک موومنٹ آف انڈیا (سیمی) سے تعلق رکھنے کے الزام میں گرفتار5/ مسلم نوجوانوں کی نچلی عدالت سے باعزت رہائی کے خلاف حکومت کی جانب سے داخل اپیل کو گذشتہ ہفتہ جبل پور کی سیشن عدالت نے یہ کہتے ہوئے خارج کردیا

سیٹلائٹ ری سیٹ -2بی کا کامیاب تجربہ

ہندوستانی خلائی ریسرچ تنظیم (اسرو) نے چہارشنبہ کو لانچ وہیکل پی ایس ایل وی-سی46 سے زمین کی نگرانی کرنے والے رڈار امیجنگ سیٹلائٹ آر آئی ایس ٹی۔ 2 بی کا کامیاب تجربہ کرکے ایک بار پھر بڑی کامیابی حاصل کی۔

لوک سبھا انتخابات کے نتائج؛ ملک میں پھر ایک بار مودی سرکار؛ کانگریس اور اسکی حلیف جماعتوں کو شرمناک شکست کا سامنا

لوک سبھا انتخابات کی 542 سیٹوں کے لئے  ووٹوں کی گنتی جاری ہے اور اب تک سامنےآئے رجحانات میں بی جے پی اور اس کی حلیف این  ڈی اے  کو زبردست جیت حاصل ہورہی ہے اس کے ساتھ ہی  پھر ایک بار مودی سرکار کا  اقتدار میں آنا طئے ہے۔ کانگریس اور اس کی حلیف جماعتیں اس قدر پیچھے نظر آرہی  ہیں ...