مسابقۂ حفظ وقرأت میں دارالعلوم اسراریہ سنتوش پورکے طلبا کی نمایاں کامیابی

Source: S.O. News Service | By I.G. Bhatkali | Published on 4th December 2017, 7:12 PM | ملکی خبریں |

کولکاتہ 4/ڈسمبر (ایس او نیوز/راست)  مہیش تلّہ کے عالم پور میں پہاڑ پور کلب کی جانب سے لال مسجد سے متصل وسیع وعریض میدان میں منعقدہ دوروزہ جلسہ سیرت النبی کے موقع پر مسابقۂ حفظ وقرأت کا انعقاد کیا گیا جس میں کولکاتہ اور مضافات کے مختلف مدارس کے طلباء نے شرکت کی ۔ اس مسابقہ میں دارالعلوم اسراریہ سنتوشپور کے دوطالب علموں محمد زید عامر مٹیابرج کو اول اورمحمد یمان اللہ ولدسلیم الدین پارک سرکس کو سوم پوزیشن حاصل ہوئی ۔جب کہ دوسری پوزیشن مدرسہ جنت العلوم مہیش تلہ کے طالب علم اکرام اللہ حوالدار کو حاصل ہوئی۔ادارے کی جانب سے پوزیشن حاصل کرنے والے طلبا کو گراں قدر انعامات سے نوازاگیا۔جب کہ مسابقہ میں حصہ لینے والے دیگر طلبا کو بھی توصیفی اسناد وانعامات سے سرفراز کیا گیا جن میں دارالعلوم اسراریہ کے ایک سات سالہ طالب علم محمد عبداللہ سنتوش پور بھی شامل ہیں ۔

واضح رہے کہ 6؍ماہ قبل الہ آباد میں منعقدہ کل ہند مسابقہ حفظ وقرأت میں بھی دارالعلوم اسرارایہ کے طالب علم کو تیسری پوزیشن حاصل ہوئی تھی۔ اسی طرح گزشتہ ا؍اکتوبر کو تانتی باغ پروگریسو سوسائٹی کی جانب سے آل کلکتہ مسابقۂ حفظ وقرأت میں بھی دارالعلوم اسراریہ سنتوش پور کے دوطالب علموں نے اول اور دوم انعام حاصل کیاتھا۔

دارالعلوم اسراریہ اور ددیگر مدارس کے طلبا کی اس نمایاں کارکردگی اورکامیابی پر خوشی ومسرت کا اظہار کرتے ہوئے تعلیمی وسماجی خدمت میں سرگرم بلگچھیہ کی تنظیم منیر فاؤنڈیشن کے چےئر مین مشہور عالم دین حضرت مولاناحکیم عبدالرحمن جامی نے کامیاب ہونے والے طلباء ، مدرسہ کے قابل اساتذہ کرام ، مہتمم مولانا نوشیر احمد ، مدرسہ کے نگراں انجینئر وقار احمدخان اور مدرسہ سے وابستہ معزز معاونین حضرات کو مبارکباد اور نیک خواہشات پیش کی ہیں۔اس موقع پرانھوں نے پروگرام کے منتظمین کو مبارکباد پیش کرتے ہوئے کہا کہ ان کی جانب سے اٹھایا جانے والا یہ قدم لائق تحسین ہے ۔یقیناًاس سے قرآن کو تجوید کے ساتھ پڑھنے پڑھانے کا ماحول بنے گا اور طلباء کی ہمت افزائی ہوگی۔ 

ایک نظر اس پر بھی

ایم پی اور ایم ایل اے کے وکالت کرنے پر پابندی نہیں, سپریم کورٹ نے کہا یہ لوگ کل مدتی سرکاری ملازم نہیں ہیں

سپریم کورٹ نے کہا ہے کہ ممبران پارلیمنٹ اور اراکین اسمبلی کو وکالت کرنے روکا نہیں جا سکتا ہے۔ عدالت نے کہا کہ یہ لوگ کل مدتی سرکاری ملازم نہیں ہیں۔ انہیں پریکٹس سے روکنے سے روکنے کا قانون بار کونسل آف انڈیا نے نہیں بنا یا ہے۔ گذشتہ 9جولائی کو سپریم کورٹ نے فیصلہ محفوظ رکھ لیا ...

ہیومن ویلفیئر فاونڈیشن ، کیرالامیں 500 نئے گھروں کی تعمیرکرے گا

کیرالامیں آئے صدی کے سب سے بڑے سیلاب سے لگ بھگ ساڑھے چار سو سے زائد جانیں تلف ہونے کی اطلاعات ہیں ، اور 40 ہزار کروڑ کا مالی نقصان ہوا ہے ۔ مصیبت کی اس گھڑی میں پورا ملک کیرالا کے ساتھ کھڑا رہا ۔ پہلے مرحلے میں ریلیف کے بعد اب تباہ حال کیرالا کی باز آبادکاری کا مرحلہ شروع ہوا ہے

طلاق ثلاثہ پر مرکزی حکومت کا آرڈیننس غیر آئینی؛ جمعیۃ علماء نے کیا سپریم کورٹ سے رجوع ہونے کا فیصلہ،گلزار اعظمی

گذشتہ دنوں بھارتیہ جنتا پارٹی کی قیادت والی مرکزی حکومت نے طلاق ثلاثہ معاملے میں عجلت کا مظاہرہ کرتے ہوئے آرڈیننس پاس کرالیا جس کے بعد سے ہی انصاف پسند عوام بالخصوص مسلمانوں میں بے چینی پھیلی ہوئی ہے ۔

اردو زبان کے نوجوان نقاد اور صحافی غلام نبی کمار’’تعمیل ارشاد ادبی ایوارڈ‘‘سے سرفراز

اردو زبان و ادب کے نوجوان ادیب ،نقاد اور صحافی غلام نبی کمارکو ریاست جموں و کشمیر کے مشہور و معروف اخبار روزنامہ تعمیل ارشاد کی جانب سے’’تعمیل ارشاد ادبی ایوارڈ2018‘‘سے نوازا گیا۔

دادری ہجومی تشدد معاملہ کا ملزم روپیندر رانا نوائیڈ ا سے اگلے لوک سبھا کا ہوگا امیدوار؛ نو نرمان سینا دے گی ٹکٹ

سال 2015میں پیش ائے دل دہلادینے والے دادری ہجومی تشدد کا واقعہ جس میں مشتبہ بیف کے نام پر محمد اخلاق کا بے رحمی کے ساتھ قتل کردیا گیا تھا اس کیس کا ایک اہم ملزم اترپردیش نو نرمان سینا کے ٹکٹ پر مجوزہ لوک سبھا الیکشن میں نوائیڈا سے امیدوار ہوگا۔

’’چوکیداربن گیا چوروں کا سردار‘‘:راہل۔رافیل سودے کی تفتیش مرکزی ویجلنس سے کرانے کا مطالبہ

کانگریس صدر راہل گاندھی نے پیر کے روز وزیر اعظم نریندر مودی کو دوبارہ کٹہرے میں کھڑا کرتے ہوئے فرانس کے سابق صدر فرانسوا اولاند کے اس انٹرویو کا ویڈیو جاری کیا ،جس میں انہوں نے کہا تھا کہ رافیل جنگی طیارہ کے سودے میں آفسیٹ پارٹنر کے لئے انل امبانی کی کمپنی کا نام ہندوستان کی ...