بنگلورو17 ؍ستمبر(ایس او  نیوز) یہ ا قرار کرتے ہوئے کہ ریاست میں مخلوط حکومت کوگرانے بی جے پی ’’آپریشن کنول‘‘ کا اہتمام کر رہی ہے کانگریس لیڈر ستیش جارکی ہولی جو حکومت کے خلاف بغاوت میں پیش پیش ہیں دعویٰ کیا کہ حکومت کو کوئی خطرہ نہیں ہے۔ وزیر اعلیٰ ایچ ڈی کمارسوامی اور کانگریس کے صدر دنیش گنڈو راؤ دونوں نے حکومت گرانے کی سازش کے تعلق سے گفتگو کی ہے۔

انہوں نے نامہ نگاروں سے کہا’’حکومت مستحکم رہے گی‘‘۔ تاہم انتباہ کیاکہ اگر وزیر برائے آبی وسائل ڈی کے شیوکمار نے بیلگاوی کی سیاست میں دخل اندازی جار ی رکھی تو وہ پارٹی کے اعلیٰ لیڈروں سے ملیں گے۔یہ یاد کرتے ہوئے کہ وزیر نے وعدہ کیا ہے کہ وہ ان کے معاملات میں مداخلت نہیں کریں گے، وہ اس کا خیر مقدم کریں گے لیکن انہیں اپنا وعدہ نبھاناہوگا۔ستیش نے یہ د عویٰ کیا کہ یورپ کے دورے پرگئے سابق وزیر اعلیٰ سدارامیا کی واپسی سے بیلگاوی کانگریس لیڈروں کے معاملے کا حل ڈھونڈنے میں کوئی مدد نہیں ملے گی۔ان رپورٹوں سے انکار کرتے ہوئے کہ وہ اپنے بھائی رمیش جارکی ہولی کی جگہ پر وزیر بنیں گے انہوں نے کہا کہ وہ وزیر اعلیٰ پر دباؤ ڈالیں گے کہ بیلگاوی کو تین حصوں میں تقسیم کریں۔

دریں اثنا وزیر اعلیٰ کمار سوامی جو بیلگاوی میں کرناٹک لا سوسائٹی کی پلاٹینم جوبلی میں شرکت کے لیے بلگام پہنچے انہوں نے جارکی ہولی کے گا ل تھپتھپائے جو ان کا خیر مقدم کرنے ایر پورٹ پرآئے تھے جس سے ظاہر ہو رہا تھا کہ وہ کانگریس لیڈروں کے درمیان اختلافات دور کرنے کی کوشش میں ہیں جو دن بھر ان کے ساتھ رہے۔گو ہیبالکر وزیر اعلیٰ کمار سوامی کے ساتھ جلسہ کے مقام کے لیے اپنی کار میں روانہ ہوگئیں،وزیر جارکی ہولی اپنی پرائیویٹ کار میں جلسہ گاہ کو گئے۔دلچسپ بات یہ ہے کہ ستیش جارکی ہولی کو ایک جلسہ میں ہیبالکر کے پاس بیٹھا ہوا دیکھا گیااور دونوں کے درمیان حالیہ اختلاف کے باوجود خوشگوار ماحول دیکھا گیا۔جیسے ہی صدر رام ناتھ کووند، چیف جسٹس دیپک مشرا، وزیر اعلیٰ ایچ ڈی کما ر سوامی او ر گورنرواجو بھائی والا کی گاڑیاں کے ایل ایس جلسہ گاہ میں پہنچیں زمین پر پوجا کی ا شیاء بشمول ایک ہانڈی اور لیمو پایا گیا جو تمام کالے جادومیں استعمال کئے جاتے ہیں۔