سدرامیا کے بیان کے خلاف بی جے پی کی جیل بھرو تحریک 

Source: S.O. News Service | By Shahid Mukhtesar | Published on 14th January 2018, 12:52 PM | ریاستی خبریں |

بنگلورو،13؍ جنوری(ایس اونیوز؍عبدالحلیم منصور) وزیر اعلیٰ سدرامیا کی طرف سے بی جے پی اور آر ایس ایس کو دہشت گرد قرار دئے جانے کے خلاف احتجاج کرتے ہوئے آج شہر میں بی جے پی کارکنوں نے جیل بھرو تحریک چلائی۔ شہر کے میسور بینک سرکل پر بی جے پی کی رکن پارلیمان شوبھا کارند لاجے کی قیادت میں چلنے والی ریاست گیر تحریک کے دوران ہزاروں بی جے پی کارکنوں کو گرفتار کرکے رہا کردیاگیا۔ شہر کے میسور بینک سرکل پر شوبھا کی قیادت میں بی جے پی کارکنوں نے جمع ہوکر احتجاجی مظاہرے کئے۔ احتجاجیوں سے مخاطب ہوکر شوبھا نے کہاکہ وزیر اعلیٰ سدرامیا اور کے پی سی سی کارگذار صدر دنیش گنڈو راؤ نے جو بیان دیا ہے وہ انتہائی غیر ذمہ دارانہ قرار دیتے ہوئے کہاکہ اس کی جتنی بھی مذمت کی جائے کم ہے، انہوں نے الزام لگایا کہ وزیراعلیٰ سدرامیا ووٹ بینک کی سیاست کیلئے آر ایس ایس اور بی جے پی کو بدنام کررہے ہیں۔ سدرامیا کے اس بیان کی مخالفت کرتے ہوئے ہی آج بی جے پی کارندے ریاست بھر میں مختلف مقامات پر احتجاجی مظاہرے کررہے ہیں۔ احتجاجیوں سے مخاطب ہوکر شوبھا نے کہا کہ مسلمانوں کو خوش کرنے کیلئے سدرامیا آر ایس ایس اور بی جے پی کو فرقہ پرست قرار دے رہے ہیں۔ جب سے ریاست میں کانگریس حکومت اقتدار پر آئی ہے ہندو کارندوں پر ظلم بڑھتا جارہا ہے۔ اب تک 28لوگوں کی جانیں اس طرح کے حادثات میں ضائع ہوچکی ہیں۔ کرناٹک اور کیرلا میں جس طرح ہندو کارکنوں کا قتل روز مرہ کا معمول ہوچکا ہے، انہوں نے مطالبہ کیا کہ اس معاملہ کی جانچ این آئی اے کے ذریعہ کرائی جائے۔ یہ الزام لگاتے ہوئے ملک میں دہشت گردی کو بڑھاوا دینے میں کانگریس کا بہت بڑا ہاتھ ہے ۔ شوبھا نے کہاکہ بی جے پی نے پہلے سے بھی زیادہ شدت کے ساتھ حکومت کے اقدامات کی مخالفت کر ے گی۔ 
 

ایک نظر اس پر بھی

مندرمیں دئے گئے زہریلے پرساد سے ہلاکت کا معاملہ: پانچ گرفتار ، کلیدی ملزم مندر کے پجاری نے کیا ،زہر ملانے کا اعتراف

چامراج نگر کے ہانور تعلقہ میں آنے والے سلواڈی دیہات کے مارما مندر میں زہر آلود پرساد کی تقسیم دن بہ دن ایک نیا رخ اختیار کرتی جارہی ہے۔ اس مندر کے بڑے پجاری ڈوڈیا نے آج پولیس کی پوچھ تاچھ کے دوران مندر میں دئے جانے والے کھانے کے پرساد میں زہر ملانے کا اعتراف کرلیا ہے۔

ْکرناٹک کی ریاستی حکومت نے کیا 9/اہم سرکاری محکموں کو سورنا سودھا منتقل کرنے کا فیصلہ

لگاوی کے سورنا سودھا کو سال بھر استعمال کرنے کے مقصد سے ریاستی حکومت نے 9اہم محکموں کو سورنا سودھا منتقل کرنے پر رضامندی ظاہر کردی ہے۔ شمالی کرناٹک کے عوام کی یہ مانگ رہی ہے کہ کچھ اہم سرکاری محکموں کو بلگاوی منتقل کیا جائے تاکہ وہ بار بار سرکاری کاموں کے لئے بنگلور کا رخ کرنے ...

کرناٹکا کے کولار میں اسکول کی دیوار گرنے سے ساتویں جماعت کی طالبہ فوت

کولار ضلع کے ملباگل تعلق میں آنے والے گنا گنٹے پالیہ سرکل میں واقع مرارجی دیسائی اقامتی اسکول کے احاطے میں بیت الخلاء کی دیوار گرنے کے نتیجے میں ایک ساتویں  جماعت کی طالبہ کی موت واقع  ہوگئی۔ مہلوک کی شناخت جوسنا کی حیثیت سے کی گئی ہے۔

کرناٹکا لیجسلیچر اجلاس کے تئیں حکمران اتحاد کے اراکین کی عدم دلچسپی

بلگاوی کے سورنا سودھا میں جاری لیجسلیچر کے سرمائی اجلاس کا اب جبکہ صرف ایک ہی دن باقی رہ گیا ہے، اجلاس کی کارروائیوں کے تئیں بیشتر اراکین اسمبلی کی عدم دلچسپی صاف ظاہر ہونے لگی ہے۔ حکمران کانگریس جے ڈی ایس اتحاد کے اراکین کی تعداد آج ایوان میں غیر معمولی طور پر کم رہی، حالانکہ ...

چامراج نگر زہریلے پرسادسے ہلاکتوں کا معاملہ: گروہی مفاد پرستی نے لی 15بے قصوروں کی جان۔ مندر کے پجاری نے دی تھی سپاری !

چامراج نگر کے سولواڈی گاؤں میں مندر کا زہریلا پرساد کھانے کے بعد ہونے والی15بھکتوں کی ہلاکتوں کے پیچھے اسی مندر کے چیف پجاری کی سازش کا خلاصہ سامنے آیا ہے۔ ...