مسلمانوں کی خوشنودی ،ہندومخالف سیاست کی طرف لوٹ رہی ہے کانگریس:بی جےپی

Source: S.O. News Service | By Shahid Mukhtesar | Published on 13th July 2018, 1:18 AM | ملکی خبریں |

نئی دہلی،12جولائی (ایس او نیوز؍ایجنسی) بھارتیہ جنتاپارٹی (بی جےپی )نے کانگریس رکن پارلیمان اور سابق مرکزی وزیرششی تھرور کے ملک کے ’ہندوپاکستان ‘بننے سے متعلق بیان پر سخت ردعمل ظاہر کرتے ہوئے کہاکہ کانگریس ہندستان اور اسکی جمہوریت کو بدنام کرنے اور ہندؤوں کو دہشت گردی سے جوڑکر خوشنودی حاصل کرنے کی سیاست کی طرف لوٹ رہی ہے ۔

بی جے پی کے ترجمان ڈاکٹر سمبت پاترانے یہاں صحافیوں سے کہاکہ کانگریس صدر راہل گاندھی کی کل مسلم دانشوروں سے ملاقات کے تھوڑی دیر بعد مسٹر تھرورکے اس بیان سے ثابت ہوگیاہے کہ کانگریس صدر راہل گاندھی مندر وں کے درشن اور جنیوپہننے کی فینسی ڈریس مقابلے سے باہر آگئے ہیں اور کانگریس خوشنودی حاصل کرنے کی سیاست کے بغیر اسی طرح سے نہیں رہ سکتی جیسے پانی کے بغیر مچھلی ۔

انھوں نے میڈیا رپورٹوں کا حوالہ دیتے ہوئے کہاکہ ان رپورٹوں میں ذرائع کے حوالہ سے کہاگیاہے کہ مسٹر گاندھی نے مسلم دانشوروں سے مندر کے درشن کی سیاست پر معافی مانگی ہے اور خوشنودی حاصل کرنے کی سیاست کی طرف لوٹنے کا وعدہ کیاہے ۔انھوں نے کہاکہ وہ میڈیاکی رپورٹوں کو سچ مانتے ہیں۔

مسٹر سمبت پاترانے کہاکہ آج کی سب سے اہم خبر یہ آئی ہے کہ ہندستان کی معیشت فرانس کو پیچھے چھوڑ کر دنیاکی چھٹی سب سے بڑی معیشت بن گئی ہے ۔لیکن وزیراعظم نریندرمودی اور بی جے پی سے نفرت کی وجہ سے کانگریس باربار ہندستان اور جمہوریت پر حملہ کرنے سے باز نہیں آرہی ہے ۔

انھوں نے کہاکہ کانگریس پارٹی نے ہندودہشت گردی کا لفظ استعمال کیاتھا اور آج ’ہندوپاکستان ‘کا نیالفظ وضع کیاہے ۔انھوں نے کہاکہ کانگریس پارٹی باربار ہندوؤں پر حملہ کررہی ہے ۔پاکستان دہشت گردی کی حمایت کرنے والا ملک ہے اور ’ہندوپاکستان ‘کہہ کر ہندوؤں پر براہ راست پھر سے دہشت ہونے کا الزام لگایاہے ۔

انھوں نے کہاکہ کانگریس کے لیڈر ہندستان کے آئین کو توڑے جانے کا اندیشہ ظاہر کررہے ہیں لیکن خود کی تاریخ دیکھیں جس میں ایمرجنسی کے سیاہ داغ ہیں جس میں کانگریس نے دوسال تک آئین کو معطل کرکے رکھاتھا۔کانگریس کی حکومت میں ہی ریاستوں کی 88منتخب حکومتوں کو گرایاگیا۔

بی جے پی ترجمان نے کانگریس کو متنبہ کیاکہ وہ ملک میں خوف پیداکرنے کی سیاست نہ کرے ۔

ایک نظر اس پر بھی

سوامی اگنی ویش معاملہ: بی جے پی یوا مورچہ کے ضلع صدر سمیت آٹھ کے خلاف ایف آئی آر

بندھوا مکتی مورچہ کے بانی اور سماجی کارکن سوامی اگنی ویش کے ساتھ مارپیٹ کے معاملے میں بھارتیہ جنتا یوا مورچہ (بھاج یومو) كے ضلع صدر سمیت کسان مورچہ اور بھارتیہ جنتا پارٹی (بی جے پی) کے آٹھ کارکنان کے خلاف کل سٹی تھانے میں ایف آئی آر درج کی گئی۔

22سالہ بیٹے کے ساتھ50سالہ ٹیکسی ڈرائیور فاروق شیخ نے گریجویشن کی ڈگری حاصل کی

تعلیم حاصل کرنے کی کوئی عمرنہیں ہوتی۔ یہ سچ کرکے دکھایا ہے ممبئی کے50سالہ ٹیکسی ڈرائیور فاروق شیخ نے ۔ فاروق شیخ نے پچاس کی عمر میں اپنے 22 سالہ بیٹے کے ہمراہ کامرس میں گریجویشن کی ڈگری حاصل کی ہے۔

ڈھائی سال کے انس بھی بنیں گے حاجی، اپنے والدین کے ساتھ حج بیت اللہ کے لیے روانہ

ہندوستانی عازمین حج کی روانگی کا سلسلہ شروع ہوگیا ہے۔ پہلا قافلہ روانہ ہوگیا ہے اور اب روزانہ بڑی تعداد میں عازمین روانہ ہوں گے۔ تاہم پہلے قافلہ میں ایک ایک ڈھائی سال کا بچہ اندرا گاندھی انٹرنیشنل ایئر پورٹ ٹرمنل -2 پر لوگوں کی توجہ کا مرکز بن گیا۔

اقلیتی طلباء کے لیے اسکالرشپ اسکیمیں جاری رکھنے کوکابینہ کی منظوری

چھ نوٹیفائیڈاقلیتی فرقوں کے طالب علموں کی پری میٹرک، پوسٹ میٹرک اور صلاحیت و وسائل کی بنیاد پر مرتب کردہ اسکالرشپ اسکیموں کو جاری رکھنے کی تجویز آج وزیراعظم نریندر مودی کی صدارت میں اقتصادی امور کی کابینی کمیٹی نے منظوری دے دی۔

تین مسلم نوجوان دہشت گردانہ کارروائیوں میں ملوث ہونے کے الزامات سے بری 

مسلم نوجوانوں کو قانونی امدادفراہم کرنے والی تنظیم جمعیۃ علمائے مہاراشٹر (ارشد مدنی) کو آج اس وقت ایک بار پھر کامیابی حاصل ہوئی جب کرناٹک کے شہربلاری کی نچلی عدالت نے تین مسلم نوجوانوں کو دہشت گردی کے الزامات سے باعزت بری کردیا۔