نئی دہلی ،12؍ اکتوبر (ایس او نیوز؍آئی این ایس انڈیا)مرکزی وزیر پیوش گوئل نے ہندوستان اور فرانس کے درمیان لڑاکا طیارہ رافیل کو لے کر ہوئی ڈیل پر کانگریس صدر راہل گاندھی کے الزامات پر جوابی حملہ کرتے ہوئے پیوش گوئل نے کہا کہ رافیل پر راہل گاندھی نے فیک نیوز کے ذریعے ملک بھر میں جھوٹ پھیلانے کی کوشش کی ہے ۔

پیوش گوئل نے کہا ہے،این ڈی اے نے یو پی اے سے بہتر سودا (رافیل) کیا ہے۔ دس کمپنی کے سی ای اونے صاف صاف بات کی تصدیق کی ہے کہ انہوں نے آف سیٹ کو نافذگو کرنے کے لئے اپنی خواہش سے پارٹنر کا انتخاب کیا تھا۔پیوش گوئل نے کہا کہ راہل گاندھی فیک نیوز بنا رہے ہیں۔ایک جھوٹ کو 100 بار کہہ دینے سے وہ سچ نہیں ہو جائے گی۔رافیل ڈیل پر مرکزی وزیر پیوش گوئل نے بی جے پی دفتر پر پریس کانفرنس کر کہا کہ حکومت نے 2007 اور 2012 میں یو پی اے کے وقت ہوئے معاہدے سے بہتر معاہدہ کیاہے۔ہمیں تیز ترسیل، مرمت کا طویل وقت اور اسپیئر پارٹس کی بہتر کامیابی حاصل ہوئی ہے۔پیوش گوئل نے کہا کہ کل (جمعرات کو) ہمیں دسلٹ ایوی ایشن کے سی ای او کی طرف سے بھی زیادہ وضاحت ملی، جنہوں نے واضح طور پر اس بات کی تصدیق کی ہے کہ آفسیٹ نافذ کرنا ضروری تھا۔اس لئے انہوں نے خود آفسیٹ کونافذ کرنے کے لئے شراکت داروں کو منتخب کیا۔

انہوں نے مزید کہا کہ یہ وقت آ گیا ہے کہ کانگریس کو سمجھ جانا چاہئے کہ یہ حکومت شفافیت اور اعلی ترین معیارات کی حکومت ہے۔جس نے ہندوستان کی قومی سلامتی کے مفاد میں بہت ضروری اقدامات کیے ہیں۔پیوش گوئل نے کہا کہ آف سیٹ پر آخری رائے 2019 کے آخر تک دستیاب ہو جائیگی۔ جھوٹ کو بار بار بولنے سے سچ بدل جانے والا نہیں ہے۔کانگریس اور کانگریس صدر راہل گاندھی کو ملک کو اب بہت سے سوالات کے جواب دینے ہیں۔

پیوش گوئل نے مزید کہا کہ انہوں نے اب تک نہ تو ارون جیٹلی، نہ روی شنکر پرساد اور نہ ہی نرملا سیتا رمن کے الزامات کا جواب دیا ہے۔وزیر ریل نے کہا کہ کانگریس اور راہل گاندھی نے فرانس کی میڈیا رپورٹ کو توڑ مروڑ کو پیش کیا۔یہاں تک کی سپریم کورٹ کے جائزہ کو بھی کانگریس کی طرف موڑ دیا گیا۔کانگریس ممکنہ طور 2012 کے اپنے جرائم کو چھپانے کی کوشش کر رہی ہے، جہاں پہلے خاندان کے ساتھیوں کے دباؤ میں انہوں نے اس طرح کے ایک اہم لین دین کو منسوخ کر دیا اور ہندوستان کی قومی سلامتی سے سمجھوتہ کیا۔