نئی دہلی، 17جنوری(ایس او نیوز/آئی این ایس انڈیا)جیسے جیسے اسمبلی انتخابات قریب آتے جا رہے ہیں، ویسے ہی پارٹی عہدیداروں میں اختلافات بھی ابھرتے ہوئے دکھائی دے رہے ہیں،کچھ ایسا ہی اب بی جے پی میں دکھائی دے رہا ہے،پنجاب بی جے پی کے صدر وجے سامپلا نے استعفی کی پیشکش کر ڈالی ہے۔بتایا جا رہا ہے کہ وجے سامپلا ٹکٹ تقسیم میں اپنی نظر انداز سے ناراض ہیں۔سامپلا مرکزی وزیر مملکت بھی ہیں۔ انہوں نے مرکزی وزیر اور ریاستی صدر کے عہدہ سے استعفی کی پیشکش کی ہے۔سامپلا نے بی جے پی قیادت کو اپنی ناراضگی کی وجوہات کے بارے میں مطلع کر دیا ہے،حالانکہ انہیں منانے کی کوششیں جاری ہیں۔ان کا کہنا ہے کہ جب ٹکٹ تقسیم میں ان کی نہیں سنی گئی تو وہ عہدے پر کیوں رہیں۔کہا جا رہا ہے کہ سامپلا بی جے پی کی طرف سے پھگواڑا سے سوم پرکاش کو ٹکٹ دئے جانے سے ناراض ہیں۔تاہم یہاں انہوں نے بعد میں میڈیا سے بات چیت میں استعفی کو لے کر چل رہی خبروں سے انکار کر دیا اور کہا کہ میں پارٹی کی رضامندی سے مشن پر ہوں۔