بھیما کوریگاؤں معاملہ میں نظر بند لوگوں کو پولس حراست میں بھیجنے کی مانگ 

Source: S.O. News Service | By Shahid Mukhtesar | Published on 6th September 2018, 8:10 PM | ملکی خبریں |

نئی دہلی،06؍ ستمبر (ایس او نیوز؍آئی این ایس انڈیا) مہاراشٹر حکومت نے بھیما کوریگاؤں معاملہ میں گوتم نولکھا سمیت 5 لوگوں کو پولس حراست میں بھیجنے کا مطالبہ کیا ہے۔

مہاراشٹر حکومت نے سپریم کورٹ میں حلف نامہ داخل کر کہا کہ یہ لوگ معاشرے میں تشدد اور بدنظمی پھیلانے کی خطرناک سازش کا حصہ ہیں۔ ان کی گرفتاری ٹھوس ثبوتوں کی بناء پر ہوئی۔ سپریم کورٹ اس معاملے کی سماعت کرے گا۔اس معاملہ میں فی الحال 5لوگ نظر بند ہیں۔سماعت کے دوران مہاراشٹر پولس نے مہربند لفافے میں عدالت کو ثبوت پیش کیا۔ مہاراشٹر پولس نے درخواست کی کہ عدالت انہیں دیکھ کر فیصلہ لے۔

مہاراشٹر پولس نے کہا کہ اب تک برآمد لیپ ٹاپ، پین ڈرائیو سے ملے مواد سے واضح ہے کہ یہ 5 لوگ ماؤنواز سازش کا حصہ ہیں۔یہ بڑے پیمانے پربدنظمی پھیلانے کے کوششوں میں مصروف تھے۔ گذشتہ29 اگست کو جب سپریم کورٹ نے مہاراشٹر حکومت کو نوٹس جاری کرتے ہوئے کہا تھا کہ افکا ر ونظریات میں اختلافات ہماری جمہوریت کا سیفٹی والوہے۔ اگراسے ختم کردیا جائے گا تو پریشر کوکر پھٹ جائے گا۔ سپریم کورٹ نے ان تمام گرفتار لوگوں کو راحت دیتے ہوئے انہیں جیل بھیجنے پر روک لگا دی تھی۔

عدالت نے کہا تھا کہ تمام اپنے گھروں میں نظر بند رہیں گے۔ عدالت نے مہاراشٹر حکومت کو 6 ستمبر تک جواب داخل کرنے کی ہدایت دی تھی۔سماعت کے دوران سینئر وکیل ابھیشیک منو سنگھوی نے کہا تھا کہ ایف آئی آر میں گرفتار کئے گئے افراد کے نام تک نہیں ہیں۔ اگراس طرح لوگوں کو گرفتار کیا گیا تو پھر جمہوریت ختم ہو جائے گی۔ اس کے بعد چیف جسٹس دیپک مشرا نے کہا تھا کہ ہم اسی وجہ سے نوٹس جاری کر رہے ہیں۔

ایڈوکیٹ راجیو دھون نے کہا تھا کہ ان میں سے بعض نے ہمارا تعاون کیا ہے۔ ہم نے ان کی مالی مدد کی ہے۔ اگر انہیں گرفتار کیا گیا تو اس کے بعد کل ہماری گرفتاری ہوگی۔ ایڈوکیٹ اندرا جے سنگھ نے بھی کہا کہ اس کے بعد ہماری بھی گرفتاری ہوگی۔ ایس ایس جی تشار مہتا نے کہاملزمان میں سے کچھ پہلے جیل می رہے ہیں۔ تب جسٹس ڈی وائی چندرچوڑ نے کہا کہ وہ پروفیسر ہیں۔جن لوگوں کو گرفتار کرنے کے بعد سپریم کورٹ کے حکم کے بعد اپنے گھر میں نظربند کیا گیا ہے ان میں گوتم نولکھا، ورورا راؤ، سدا بھاردواج، ارون فریریا اور ورنون گونرزالوس شامل ہیں۔بھیما۔ کوریگاؤں تشددمعاملہ میں ایف آئی آر درج کرنے والے تشار ڈامگڈے نے سپریم کورٹ میں عرضی دائر کر خود کو اصل معاملہ میں فریق بنانے کا مطالبہ کیا ہے۔ سپریم کورٹ ان کی عرضی پر 6ستمبر کو سماعت کرے گا۔

ایک نظر اس پر بھی

نام تبدیل کرنے کی تجویز مسترد کرنے پر پر ممتا بنرجی سخت ناراض

وزیر اعلیٰ ممتا بنرجی نے نریندر مودی کی قیادت والی مرکزی حکومت پر مغربی بنگال کو نظر انداز کرنے کا الزام عاید کرتے ہوئے کہا کہ بی جے پی ملک کے تاریخی مقامات کے ناموں کو من مانے طریقے سے تبدیل کررہی ہے مگر دوسری طرف بنگال اسمبلی سے مغربی بنگال کا نام تبدیل کرنے کی تجویز جو اتفاق ...

ہندوستان ڈیجیٹل فروغ اورترقی کے دورسے گذررہاہے ، سنگاپورمیں جاری فنٹیک فیسٹول میں وزیراعظم کاخطاب

وزیراعظم نے سنگاپورمیں جاری فنٹیک فیسٹول میں خطاب کرتے ہوئے کہاہے کہ یہ ہندوستان پر چھاجانے والے مالیاتی انقلاب اور ہندوستان کے 1.3 ارب عوام کی زندگی میں بہتر تبدیلیوں کا اعتراف ہے۔ہندوستان اور سنگاپور ہندوستانی اور آسیان ملکوں کے چھوٹے اور اوسط درجے کے کاروباری اداروں کوایک ...

سول سروس کے افسران لچکدار رویہ اپنائیں، حالات کے موافق خود کو ڈھالیں ، نائب صدرجمہوریہ وینکیانائیڈوکابنیادی کورس کے سول سروس افسران کے ساتھ تبادلہ خیال

نائب صدر جمہوریہ ہندایم وینکیانائیڈونے سول سروس کے افسران سے کہا ہے کہ وہ لچکدار رویہ اپنائیں، حالات کے موافق خود کو ڈھالیں، کھلے ذہن کا بنیں اورفرسودہ سرکاری طریقہ کار میں اصلاحات لانے کی کوشش کریں۔ نائب صدر جمہوریہ ہند آج حیدرآباد میں ڈاکٹر میری چنا ریڈی ہیومن ریسورس ...

اُردوسماجی علوم کی دوسری قومی کانگریس کا آج مانو میں افتتاح

مولاناآزادنیشنل اردویونیورسٹی کے اردومرکز برائے فروغ علوم اوراسکول برائے فنون و سماجی علوم کے اشتراک سے دوسری دوروزہ قومی اردو سماجی علوم کانگریس کا کل (15؍ نومبر) 9:30 بجے لائبریری آڈیٹوریم میں افتتاح عمل میں آئے گا۔ کانگریس کا موضوع ’’سماجی علوم میں ابھرتے رجحانات‘‘ ہے۔ ...

مدرسہ ناشرالعلوم پانڈولی کے مہتمم مولانا ابراہیم سخت علیل،ہسپتال میں داخل

بشنپور پنچایت دوبیلی ڈگروابلاک کے مشہور عالم دین مولانا ابراہیم صاحب ان دنوں سخت علیل ہیں اور ہسپتال میں زیر علاج ہیں ۔ رکن شوری دارالعلوم دیوبند مولانا اسرارالحق قاسمی اور پارلیمانی حلقہ کے ایم پی نے مولانا موصوف کے لئے دعائے صحت کی ہے اور تمام مسلمانوں سے اپیل کی ہے کہ ...

سنگاپور کے وزیراعظم لی سین لونگ سے وزیراعظم نریندر مودی کی ملاقات

وزیر اعظم نریندر مودی نے بدھ کو سنگاپور کے وزیراعظم لی سین لونگ سے ملاقات کی۔ دونوں رہنماؤں نے مالیاتی ٹیکنالوجی میں تال میل اور علاقائی اقتصادی اتحاد سمیت کئی مسائل پر بات چیت کی۔ مودی نے فنٹیس فیسٹیول سے خطاب کر کے بدھ کو دو روزہ سنگاپوردورہ کا آغاز کیا ۔یہ فیسٹیول مالیاتی ...