نئی دہلی،13؍نومبر (ایس او نیوز؍آئی این ایس انڈیا) ٹیلی کمیونیکیشن کی وزارت کی جانب سے دہلی کے سائنسی بھون میں وزیر مواصلات منوج سنہا کی صدارت میں منعقد ملک کے تمام ریاستوں کے وزراء کی میٹنگ ہوئی۔جہاں بہار کے نائب وزیر اعلی سشیل مودی بھی موجود رہے۔اس اجلاس میں یہ طے ہوا کہ ملک کی ایک لاکھ گرام پنچایتوں جن میں بہار کی 6105بھی شامل ہیں ان گاؤں کو شروع کے 6ماہ تک ڈیجیٹل انڈیا کے تحت بھارت نیٹ کی طرف سے مفت براڈ بینڈ انٹرنیٹ کی خدمت دی جائے گی۔اس کے بعد ملک کی ٹیلی کمیونیکیشن کے شعبے کی چار بڑی کمپنیاں جن ووڈافون، ایئر ٹیل، جیو اور بی ایس این ایل شامل ہیںیہ کمپنیاں 75 فیصد سستی شرح میں گاؤں والوں کو براڈ بینڈ سروس دستیاب کرائے گی۔پنچایتوں کے تحت 5-6 وائی فائی اور ہاٹ اسپاٹ لگائے جائیں گے تاکہ بساوٹو کے دیہاتیوں کو انٹرنیٹ کی سہولت مل سکے۔میٹنگ میں یہ بھی بحث ہوئی کہ ہندوستانی حکومت جلد ہی ٹینڈر نکال کر نجی شعبے کے سروس پروائڈرکو بہار میں دوسرے مرحلے کا آپٹکل فائبر بچھانے کا کام سونپے گی۔دوسرے مرحلے کے کام کو پورا کرنے کے لئے حکومت ہند 30,920 کروڑ روپے کی منظوری فراہم کی ہے۔بہار میں جن گاؤں پنچایتوں تک آپٹیکل فائبر بچھا دیا گیا ہے وہاں پنچایت سرکاری عمارت یا کامن سروس سینٹر میں براڈبینڈ مہیا کئے جائیں گے اور اس کی دیکھ بھال اور سیکورٹی کی ذمہ داری انہیں ہی دی جائے گی۔ڈیجیٹل انڈیا پروگرام کے تحت بھارت نیٹ کے ذریعہ ملک کی تمام گاؤں پنچایتوں کو 2019 تک براڈ بینڈ انٹرنیٹ سروس سے جوڑ کر صحت، تعلیم، زراعت کے ساتھ ساتھ حکومت کی طرف سے جاری کئے جانے والے تمام قسم کی خدمات آن لائن فراہم کی جائے گی۔براڈ بینڈ سے ملک کے دیہی گھر بیٹھے تمام طرح کی سرکاری خدمات کے ساتھ ہی تفریح کا بھی فائدہ اٹھا سکیں گے۔