بی جے پی ’’ بیٹی بچاؤ ‘‘ سے بیٹا بچاؤ پر اتر آئی ہے : راہل گاندھی 

Source: S.O. News Service | By Shahid Mukhtesar | Published on 11th October 2017, 12:08 AM | ملکی خبریں |

ودودڑ:10؍اکتوبر ( ایس او نیوز؍آئی این ایس انڈیا )بی جے پی صدر امت شاہ کے بیٹے کی کمپنی کے کاروبار میں بھاری ٹرن اوور سے متعلق ’’ دی وائر ‘‘ کے مبینہ انکشاف کے بعد کانگریس نائب صدر راہل گاندھی نے چٹکی لیتے ہوئے کہا کہ حکومت’بیٹی بچاؤ‘ سے آگے بڑھتے ہوئے ’بیٹا بچاؤ‘ میں مصروف ہے ۔ کانگریس کے نائب صدر کا بیان ا س وقت آیا جب بی جے پی صدر کے بیٹے جے شاہ کی حمایت میں بی جے پی اور بر سر اقتدار طبقہ کے کئے لیڈران حمایت اور بچاؤ میں آ کھڑے ہوئے ہیں ۔ راج ناتھ سنگھ اور پیوش گوئل سمیت کئی لیڈران ’’ دی وائر‘‘ کے انکشاف کو بے بنیاد قرار دیا تھا ۔ راہل گاندھی نے ٹوئٹر پر کہا: بیٹی بچاؤ سے بیٹا بچاؤ کے طور پر عظیم تبدیلی ۔ انہوں نے شاہ کے بیٹے کو تنقید کرتے ہوئے ’’ شاہ زادہ ‘‘ کے طور پر خطاب کیا تھا ۔ انہوں نے یہ بھی کہا کہ پیوش گوئل نے جے شاہ کے کاروباری معاملات کا دفاع کیا ہے ۔ کانگریس کے نائب صدر راہول گاندھی نے کل وزیراعظم نریندر مودی کو اس موضوع پر پر اسرار خاموشی توڑنے کے لئے زور دیا تھا۔راہل گاندھی نے کہا تھا: مودی جی !کیا آپ خاموش تماشائی یا ایک پارٹنر ہیں؟ براہ کرم کچھ بولیں ۔ کانگریس نے اس معاملے میں بی جے پی کو جم کر تنقید کا نشانہ بنایا جس کا مقصد یہ تھا کہ اس معاملے کو سپریم کورٹ کے جج کمیٹی سے انکوائری کا حکم دیا جائے ۔جے پور میں کانگریس کے ترجمان پر دیپ سرجیوال نے کہا تھا کہ پی ایم مودی پرلازم ہے کہ امت شاہ کو پارٹی صدر کے عہدے سے فارغ کر دینا چاہئے اور سپریم کورٹ کے دو ججوں کے کمیشن سے تحقیقات کرانی چاہئے۔ انہوں نے کہا کہ ایسا کرنا وزیر اعظم کے لئے مشکل ہو گا۔ ملک ان کی طرف دیکھ رہا ہے کہ وہ دوستی نبھاتے ہیں یا جماعتی سیاست کرتے ہیں یا پھر سچ اور انصاف کی پیروی کر تے ہیں ۔ سریج والا نے کہا کہ اس میں شفافیت کا نفاذ اور احتساب لازمی ہے ۔ اگر آپ نے کوئی غلط کام نہیں کیا تو تحقیقات سے خوف کیوں کھاتے ہیں ۔ واضح ہوکہ ’’ دی وائر ‘‘ کو100کروڑ کا ہتک عزت کا نوٹس امیت شاہ کے لڑکے جے شاہ کی طرف سے بھیج دیا گیا ہے ۔

ایک نظر اس پر بھی

انسانیت پھر ہوئی شرمسار راجدھانی دہلی میں معصوم نابالغہ سے کی گئی عصمت دری؛ ملزم گرفتار

دہلی کے سیما پوری علاقہ سے نابالغ لڑکی کی عصمت دری کے معاملہ سامنے آیا ہے۔ ایک انسان کس قدر حیوان بن سکتا ہے، یہ معاملہ جیتی جاگتی مثال ہے۔ اطلاعات کے مطابق ایک شخص نے نہ صرف نابالغ لڑکی کے ساتھ عصمت دری کی بلکہ اس کے نجی اعضاعہ میں زبردستی کچھ چیزیں ڈالنے کی کوشش بھی کی۔

جمعیۃعلماء ہند کی جاری ممبر سازی مہم میں بھر پور حصہ لینے جمعیۃ علماء کے منتظمین کی مسلمانوں سے اپیل

مسلمانانِ ہند کی سب سے بڑی اور قدیم مذہبی تنظیم جمعیۃعلماء ہندکی دو سالہ مدت کے لئے ممبر سازی کا آغاز ہو چکا ہے،اس مہم میں سارے مسلمان مرد اور عورت بھر پور حصہ لیں ،خود بھی ممبر بنیں ،دوست و احباب اور متعلقین کو بھی ممبر بنائیں ۔جمعیۃعلماء ہند کے دستور اساسی کے مطابق ہر بالغ ...

پاکستان میں اب بھی فوج اقتدار پر مسلط ہے : وی کے سنگھ

مرکزی وزیر وی کے سنگھ نے پیر کو کہا کہ نئے وزیر اعظم کے طور پر عمران خان کے انتخابات کے بعد بھی پاکستان میں فوج کا ہی غلبہ ہے۔انہوں نے عمران خان کا نام لئے بغیر کہا کہ یہ دیکھنا ابھی باقی ہے کہ کیا وہ تبدیلی لا پائیں گے۔