بنگلورو،14؍جولائی (ایس او نیوز) ٹرانسپورٹ سیس جاری کرنے پر بروہت بنگلور مہانگر پالیکے (بی بی ایم پی) کارپوریٹران نے سخت مخالفت کی ہے اور کہا ہے کہ شہریاں پر ٹیکس پر ٹیکس عائد کرنا ٹھیک نہیں ہے۔

اس پر میئر سمپت راج نے کہاکہ ٹرانسپورٹ پر سیس لگانا آسان کام نہیں ہے۔ اس طرح کی تجویز بی بی ایم پی کے سامنے نہیں ہے۔ اس معاملہ پر کونسل میں بحث ضروری ہے۔ وزیرٹرانسپورٹ ڈی سی تمنا کی جانب سے ریاستی قانون ساز کونسل میں وقفۂ سوالات کے دوران کل ٹرانسپورٹ پر سیس لگانے کے متعلق دیئے گئے بیان پر آج بی بی ایم پی کونسل ا جلاس کے دوران میئر نے کہاکہ ٹرانسپورٹ پر سیس کا پتہ چلا ہے لیکن ابھی تک قانونی طور پر تجویز پیش نہیں کی گئی ہے۔ اگر پیش ہوئی تو کونسل کے سامنے رکھ کر بحث کی جائے گی۔

انہوں نے کہاکہ سڑکوں پر پڑے گڑھوں کی وجہ سے بسوں کو نقصان نہیں پہنچ رہا ہے بلکہ بسوں کی وجہ سے سڑکیں خستہ ہونے کے متعلق کئی افراد باتیں کرنے لگے ہیں۔ اس سلسلہ میں بھی بحث کرنے کا یقین دلایا۔

انہوں نے بتایا کہ وزیرٹرانسپورٹ کی جانب سے ٹرانسپورٹ پر سیس لگانے کی بات کا انہیں پتہ چلا ہے۔ بی ایم ٹی سی بسوں کی وجہ سے ہی شہر کی سڑکیں خستہ ہونے کے متعلق کونسل میں کئی مرتبہ بحث ہوچکی ہے انہوں نے کہاکہ سڑکیں اعلیٰ معیار سے کم ہی ہیں۔ کارپوریٹران نے کہاکہ شہریان سے کئی سیس حاصل کئے جارہے ہیں اب ایک اور مرتبہ ٹیکس کا بوجھ ڈالنا ٹھیک نہیں ہے۔ انہوں نے سیس کی سخت مخالفت کی۔