اسمبلی انتخابات کے مدنظر بی جے پی ریاست میں فرقہ وارانہ فسادات کرواکر اقتدار پر قابض ہونے کی کوشش کررہی ہے: عبدالحنان

Source: S.O. News Service | By Shahid Mukhtesar | Published on 13th January 2018, 10:54 AM | ریاستی خبریں |

بنگلورو،12؍جنوری (ایس او نیوز؍ پریس ریلیز) سوشیل ڈیموکریٹک پارٹی آف انڈیا (SDPI)کے ریاستی صدر عبدالحنان نے اپنے جاری کردہ اخباری اعلامیہ میں کہا ہے کہ کرناٹک میں امسال ہونے والے اسمبلی انتخابات کے مدنظر بی جے پی ریاست میں نفرت کی سیاست کو فروغ دیکر فرقہ وارانہ فسادات کرواکر کسی بھی طرح اقتدار پر قابض ہونا چاہتی ہے۔ سوشیل ڈیموکریٹک پارٹی آف انڈیا کے ریاستی صدر عبدالحنان نے اپنے اخباری اعلامیہ میں ریاست کے تمام سیکولر پارٹیوں ، ریاست کے دانشوران اور عوام سے اپیل کرتے ہوئے کہا ہے کہ وہ بی جے پی اور سنگھ پریوار کی نفرت کی سیاست کو متحد ہوکر ناکام کریں۔ ریاست کرناٹک میں فرقہ وارانہ ذہنیت رکھنے والی بی جے پی پارٹی اور سنگھ پریوار تنظیمیں اپنے اشتعال انگیز بیانات، قتل، عصمت ریزی اور غنڈہ گردی کے ذریعے ریاست کے امن و امان میں خلل ڈالنے کی کوشش کررہی ہیں۔ ریاستی صدر عبدالحنان نے اس بات کی طرف خصوصی نشاندہی کرتے ہوئے کہا کہ کرناٹک کے عوام اس بات سے اچھی طرح واقف ہیں کہ گزشتہ چار سال سے کس طرح سنگھ پریوار اور بی جے پی پارٹی ریاست کرناٹک کے تقریبا تمام اضلاع میں مسلمانوں اور دلتوں پر حملے ، مذہبی مقامات پر حملے ، اشتعال انگیز تقاریر اور بیانات، قتل اور عوامی اور سرکاری املاک کو نقصان پہنچانا ، بابا بڈھن گری درگاہ شریف کی بے حرمتی، بی جے پی کے خلاف آواز اٹھانے والی صحافی اور سماجی کارکن گوری لنکیش کا قتل، اس سے قبل ایم ایم کلبرگی کا قتل ،دکشن کننڈا اور دیگر اضلاع میں بڑے پیمانے پر فرقہ وارانہ فسادات کروانے کی کوشش اور عوا م کو ذات پات اور مذہب کی بنیاد پر تقسیم کرکے کسی ایک خاص طبقے کا ووٹ حاصل کرکے اقتدار پر قابض ہونا چاہتی ہے۔ سنگھ پریوار اور اس کی ذیلی تنظیمیں خاص طور پر مسلمانوں اور دلتوں کو نشانہ بنا رہی ہیں اور عوام میں پھوٹ ڈال کر اور ریاست کی پر امن ماحول کو بگاڑ کر اپنی سیاسی مفادات حاصل کرنا چاہتی ہے۔ ایس ڈی پی آئی ریاستی صدر عبدالحنا ن نے اپنے اخباری اعلامیہ میں مزید کہا ہے کہ امن پسند عوام کی یہ ذمہ داری ہے کہ ریاست کرناٹک میں امن و امان کے قیام کے لیے جدوجہد کریں اور فرقہ وارانہ سیاست کرکے ریاست کے امن و امان میں خلل ڈالنے اور ترقی میں رکاوٹیں پیدا کرنے والے فرقہ پرست عناصر کے ناپاک ارادوں کو متحد ہوکر ناکام کریں۔ ریاستی صدر عبدالحنان نے اپنے اخباری اعلامیہ میں میڈیا سے بھی اپیل کی ہے کہ وہ ریاست کرناٹک کے عوام کے مفاد کے خاطر اور اپنی صحافتی ذمہ داریوں کو مد نظر رکھتے ہوئے غلط خبریں شائع کرنے سے گریز کریں اور صحیح اور تحقیق شدہ خبروں کو عوام تک پہنچائیں۔ ایس ڈی پی آئی ریاستی حکومت سے مطالبہ کرتی ہے کہ ہے کہ وہ ریاست کرناٹک میں نفرت کی سیاست کرنے والے اور عوام میں مذہبی منافرت پھیلا کر ووٹ بٹورنے کی کوشش کرنے والے اور ریاست کے امن و امان میں خلل ڈالنے والے فرقہ پرست عناصر کے خلاف سخت سے سخت کارروائی کرے تاکہ ریاست کرناٹک کے عوام خوف سے آزاد ہوکر امن و امان کے ساتھ اپنی زندگی گذارسکیں اور ریاست کرناٹک کی مجموعی ترقی ہوسکے ۔

ایک نظر اس پر بھی

اُڈپی میں مویشیوں کے بیوپاری حُسین ابّا کے قتل کے معاملے میں گرفتار تین ملزموں کو ملی ضمانت؛ آٹھ کی ضمانت نامنظور

مویشیوں کے بیوپاری حُسین ابا کے قتل کے معاملے میں گرفتار دو لوگوں  پولس ہیڈ کونسٹیبل  موہن کوتوال اور بجرنگ دل لیڈر پرساد کونڈاڈی کی ضمانت عرضی کو    اُڈپی سیشن کورٹ نے  منظور کرلیا ہے اسی طرح ایک اورفرار شدہ بجرنگ دل کارکن  توکارام  کی  پیشگی ضمانت بھی منطور کرلی ہے۔

گوری لنکیش کی طرح دیگر ادیبوں کے قتل کی سازش کا انکشاف 4روشن خیال مفکروں کو سکیورٹی فراہمی زیر غور

ریاستی حکومت روشن خیال مفکرین کو سیکورٹی فراہم کرنے پر سنجیدگی سے غور کر رہی ہے۔ ہندو مخالف نظریات کے حامل دانشوروں کی ہٹ لسٹ تیا ر کرتے ہوئے موت کی نیند سلائے جانے کی سازش کا انکشاف ہونے کے بعد روشن خیال مفکرین میں شامل گنان پیٹھ ایوارڈ یافتہ گریش کرناڈ، معروف قلمکاراور ...

پی یو سی سالِ دوم سائنس طلباء کے لیے مفت کوچنگ

ڈسٹرکٹ کوآرڈینیٹر اے سی سی پی ایل آرگنائزیشن بیدر کے پریس نوٹ کے بموجب بیدر ضلع کے مسلم طلباء جو پی یو سی سالِ دوم سائنس طلباء کو جولائی 2018ء تا جنوری2019تک اے سی سی پی ایل کی جانب سے مفت کوچنگ دی جائے گی۔

چکمنگلور میں پٹرول ٹینکر اُلٹ گئی؛ دو زندہ جل کر ہلاک؛ کئی مکانوں میں آگ؛ سو میٹر تک آگ کے شعلے؛ مرنے والوں کی تعداد زائد ہونے کا خدشہ

ریاست کرناٹک کے ضلع چکمنگلور کے کڈور تعلقہ کے گریا پور میں ہائی وے پر ایک پٹرول ٹینکر اُلٹ جانے کے نتیجے میں سو میٹر سے زائد رقبہ تک آگ پھیلنے کے ساتھ ساتھ  کم ازکم دو لوگوں کے ہلاک ہونے کی اطلاع ملی ہے ۔

ریاستی کانگریس لیڈروں کو نصیحت کرنے راہل گاندھی سے درخواست بہتر انتظامیہ کو یقینی بنانے دونوں پارٹیوں کے درمیان تال میل ضروری: ایچ ڈی کمار سوامی

ریاستی وزیراعلیٰ ایچ ڈی کمار سوامی نے آج دہلی میں کانگریس صدر راہل گاندھی سے ملاقات کر کے ریاست کی سیاسی صورتحال سے متعلق تبادلہ خیال کیا۔ ا س ملاقات کے دوران راہل گاندھی نے کمار سوامی کو مشورہ دیا کہ کرناٹک میں کانگریس جے ڈی ایس مخلوط حکومت کا یہ ابتدائی دور ہے۔