بنگلورو،24؍ستمبر(ایس او  نیوز) ان خدشوں کے درمیان کہ لجسلیٹیو کونسل کے ضمنی انتخابات سے قبل کانگریس اراکین اسمبلی کا شکا ر یاان کی جانب سے کراس ووٹنگ ہوگی، مخلوط حکومت کی تال میل کمیٹی کے چیرمن سدا رامیا نے 25؍ستمبر کو کانگریس لجسلیٹر پارٹی(سی ایل پی) کی میٹنگ طلب کی ہے۔جبکہ کونسل کی تین نشستوں کے لئے ضمنی انتخابات 4؍اکتوبر کو مقرر ہیں، اس کے ایک ہفتے پہلے طلب کردہ میٹنگ کانگریس کیمپ میں اس خوف کا مظہر ہے کہ پارٹی لیڈر شپ اس سے خائف ہے کہ آپریشن کنول کا خطرہ ابھی نہیں ٹلا ہے۔سی ایل پی کے صدر سدارامیا میٹنگ کی صدارت کریں گے جس میں پارٹی کے تمام اراکین اسمبلی ، ایم ایل سی اور اراکین پارلیمان بھی شرکت کریں گے۔گو کانگریس اور جے ڈی ایس کے اراکین اسمبلی کو رجھانے کی تازہ کوششوں کی چہ میگوئیاں ہور ہی ہیں،سدا رامیا نے وجے نگر کے ایم ایل اے وجے آنند کو اپنے گھر طلب کر کے انہیں بی جے پی کی جانب سے مبینہ طور پردلائی جارہی لالچ کا شکار نہ ہونے کہا ہے۔ آنند سنگھ کو ان رپورٹوں کے درمیان سدا رامیا سے ملا یا گیا کہ وہ بی جے پی میں شامل ہونے والے اراکین اسمبلی میں شامل ہیں۔سی ایل پی میٹنگ میں توقع ہے ناراض کانگریس اورجے ڈی ایس ایم ایل ایز کو منانے بی جے پی کی کوششوں پر بحث ہوگی۔ذرائع کے مطابق سدارامیا نے کچھ اراکین اسمبلی کے بی جے پی لیڈروں کے ساتھ مذاکرات کی کلپنگس جمع کی ہیں اور وہ انہیں کانگریس کے ساتھ رہنے کے لیے میٹنگ میں سنا کر منائیں گے کہ وہ پارٹی میں رہیں۔کچھ سینئر لیڈر توقع ہے ناراض لیڈروں پرنظر رکھیں گے اور یہ یقینی بنانے کے لئے ان کو مسلسل مصروف رکھیں گے کہ وہ بی جے پی آپریٹروں کے اثر میں نہ آئیں۔سی ایل پی کی اہم میٹنگ میں آنے والے اراکین کی تعدادمخلوط حکومت کی قسمت کا فیصلہ کرے گی ،اس لیے کہ ناراض ار اکین کی جانب سے غیر حاضری کو حکومت گرانے بی جے پی کی جانب جھکاؤ کے طور پر دیکھاجا رہا ہے۔کے پی سی سی کے صدر دنیش گنڈوراؤ نے ہفتہ کو کہا کہ’سی ایل پی چہ میگوئیوں کو غلط ثابت کرے گی۔‘‘ ہمارے تمام اراکین اسمبلی ہمارے ساتھ ہیں اور ایک فرد بھی باہر نہیں جائے گا۔میٹنگ میں یہ بحث بھی ہوگی کہ کونسل ضمنی انتخابات کے لیے کانگریس کی جانب سے دو افراد کا انتخاب کیا جائے۔