آل انڈیا مسلم پرسنل لابورڈ سے متعلق ساکشی مہاراج کابیان قابل مذمت:شمائل نبی
نئی دہلی14فروری(ایس او نیوز؍آئی این ایس انڈیا)آل انڈیا مسلم کانفرنس کے قومی صدر اور بہار کے سابق وزیر شمائل نبی اور کانفرنس کے قومی جنرل سکریٹری ڈاکٹر سید عبداللہ مدنی نے بی جے پی ایم پی ساکشی مہاراج کے آل انڈیا مسلم پرسنل لا بورڈ کے بارے میں دیئے گئے بیان کی سخت لفظوں میں مذمت کرتے ہوئے کہا کہ ان کا زہراگلنا کوئی نئی بات نہیں بلکہ وہ اکثرو بیشتر مسلمانوں اوران کی تنظیموں کو غلط طریقہ سے پیش کرتے ہیں۔خیال رہے کہ ساکشی مہاراج نے آل انڈیا مسلم پرسنل لا بورڈ کو دہشت گرد تنظیم کہا ہے۔اورساکشی مہاراج کے ساتھ سبرامنیم سوامی نے بھی مولاناسلمان ندوی کادفاع کیاہے اوران کی شان میں خوب قصیدے پڑھے ہیں۔اس سے اندازہ ہوجاتاہے کہ خانہ خداکی جگہ بت خانہ بنانے کی کوششوں اورحالیہ سرگرمیوں کے پس پردہ کیاکھیل چل رہاہے ۔اس سے پہلے مولاناسلمان ندوی نے بھی مسلم پرسنل لاء بورڈپراپنی جھنجھلاہٹ ظاہرکرتے ہوئے انتہائی بھونڈے الزامات لگائے تھے۔اب ان کی ہم نوائی میں بی جے پی کے لوگ آرہے ہیں،قیاس آرائیوں کوتقویت ملنے لگی ہے ۔شمائل نبی نے کہاہے کہ مہاراج آل انڈیا مسلم پرسنل لابورڈکے بارے میں معلومات کے بغیر ایسا متنازع بیان دے رہے ہیں۔