نوئیڈا:8/جنوری (ایس او نیوز/آئی این ایس انڈیا)محکمہ انکم ٹیکس کا چیف کمشنر بن کر پولیس سے دکان خالی کروانے کی کوشش کر رہے ایک فرضی آئی اے ایس افسر کو تھانہ سورج پور پولیس نے گرفتار کیا ہے۔ ایس پی دیہات ونیت جیسوال نے بتایا کہ پیر کی شام ایک شخص اپنی گاڑی سے تھانہ سورج پور پہنچا۔ اس نے اپنے آپ کو آئی اے ایس افسر ابھے بہل بتایا۔ ایس پی نے بتایا کہ بہل نے تھانہ انچارج سے کہا کہ وہ دہلی کا چیف کمشنر انکم ٹیکس ہے۔ اس نے انسپکٹر سائٹ۔ 4 میں واقع ایک دکان کو خالی کروانے کے لئے کہا۔ انہوں نے بتایا کہ بات چیت کے دوران پولیس کو شک ہوا کہ یہ شخص آئی اے ایس افسر نہیں ہے۔ ایس پی نے بتایا کہ شک کی بنیاد پر پولیس نے اس سے شدت سے پوچھ گچھ کی، تو پتہ چلا کہ وہ فرضی افسر بن کر ٹھگی کرتا ہے۔ انہوں نے بتایا کہ پولیس نے ا بھے بہل کو گرفتار کر لیا ہے۔ اس سے فرضی وزٹنگ کارڈ، منسٹری آف فنائنس کا شناختی کارڈ، بھارت حکومت لکھی ہوئی ایک گاڑی برآمد کی گئی ہے۔ انہوں نے بتایا کہ ملزم نوئیڈا کے سیکٹر 15۔ Aمیں رہتا ہے.\پولیس کو تفتیش کے دوران ملزم نے بتایا کہ سیکٹر 15۔ِ Aمیں کافی بیوروکریٹس رہتے ہیں* ان لوگوں کے رہن سہن کو دیکھ کر اس کے دماغ میں یہ خیال آیا کہ وہ فرضی افسر بن کر لوگوں سے ٹھگی کر سکتا ہے۔ اس کے بعد ابھے بہل نے اپنے آپ کو انکم ٹیکس کا کمشنر بتا کر لوگوں سے ٹھگی کرنی شروع کر دی تھی ۔