پٹنہ:11/ اگست (ایس او نیوز/آئی این ایس انڈیا) گزشتہ 6 سالوں سے اپنے 95 فی صد طالب علموں کی کامیاب تقرری کا جشن مناتے ہوئے ٹائمس پرو نے 11 اگست کو خصوصی اعزاز تقریبات کا اہتمام کیا۔اس اعزاز تقریب میں پٹنہ یونیورسٹی کے وائس چانسلر، مسٹر راس بہاری پرساد سنگھ مہمان خصوصی کے طور پر شریک ہوئے اور انہوں نے سب سے بڑے بینکوں اور این بی ایف سی میں اچھا عہدہ پانے والے ٹیلنٹیڈ طلباء کو نوازا۔تقریب میں خطاب کرتے ہوئے، پٹنہ یونیورسٹی کے وائس چانسلر، راس بہاری پرساد سنگھ نے کہا کہ "ٹائمس پرو صنعتی تبدیلی کی مانگ کو پورا کرنے میں تمام اسٹیک ہولڈرس اور تعلیمی صنعت کی ترقی میں مدد کررہا ہے۔بہار اور جھارکھنڈ بے روزگاری کے مسئلے کا سامنا کر رہے ہیں۔اہم وجہ صنعت میں دستیاب تعلیم اور ملازمت کے ذریعہ حاصل کردہ علم کے درمیان خلا ہے۔ لہذا انہوں نے طلباء کو ٹائمس پرو جیسے ادارے سے مدد حاصل کی اور اپنی پیشہ ورانہ صلاحیتوں کو سنبھالنے کی حوصلہ افزائی کی ہے۔یہ تقریب پاٹلی پتر اکزوٹیکا، پٹنہ میں منعقد ہوئی اور اس میں ایلومینی کمیونٹی نے اپنے تجربات کے ساتھ بتایا کہ ٹائمس پرو نے انہیں کس طرح عالمی کارپوریٹ دنیا کے چیلنجوں کا سامنا کرنے کے لئے تیار کیا۔ان میں سے ایک کہانی للن کے بارے میں ہے۔ وہ کارپینٹر کا بیٹا ہے جو پٹنہ کے غریب خاندان سے آیا ہے۔ ٹائمس پرو کے ساتھ، وہ بینکر بننے کا خواب پورا کرنے میں کامیا ب ہوا۔ مہمان خصوصی، پٹنہ یونیورسٹی کے سابق وی سی اورسابق شعبہ صدر، جغرافیہ ڈاکٹر ایل این رام نے اس موقع پر اپنے خیالات کا اظہار کیا۔ انہوں نے کہا، '' ٹائمس پرو کا طلباء کو آگے بڑھنے اور صنعت کی ضروریات کے مطابق تیار ہونے میں مدد کرنے کا مقصد میرے اس یقین کو مضبوط کرتا ہے کہ ہمارا تعلیمی نظام ترقی کی جانب گامزن ہے۔