بدایوں میں دیوارمنہدم ہونے سے 30 لوگ ملبہ میں دبے، 8 کی حالت نازک
بدایوں،9؍اگست (ایس او نیوز؍آئی این ایس انڈیا)یوپی میں بدایوں کے بلسی تحصیل علاقہ میں بدھ کی رات ایک دیوار کے منہدم ہوجانے سے ملبہ میں دب کر تقریباََ 30لوگ زخمی ہوگئے جن میں سے 8کی حالت سنگین ہے۔ بلسی کے سب ڈویزنل مجسٹریٹ (ایس ڈی ایم) لال بہادر نے یہاں یہ اطلاع دی۔
انہوں نے بتایا کہ کھیراتی نگر گاوں میں رات کو ڈی جے کی دھن پر ناچتے جھومتے کانوڑیوں کو دیکھنے کے لئے تقریباََ 40گاوں کے لوگ ایک دیوار پر کھڑے ہوگئے۔ دیوار ان کا وزن برداشت نہیں کرسکی اور گر گئی۔ ملبہ میں دب کر تقریباََ 30لوگ زخمی ہوگئے۔
اطلاع ملنے پر موقع پر پہنچی پولیس نے گاوں والوں کی مدد سے زخمیوں کو ملبہ میں سے نکالا اور علاج کے لئے بلسی کے پرائمری ہیلتھ سنٹر بھیجا۔ انہو ں نے بتایا کہ 8لوگوں کو سنگین حالت میں ضلعی اسپتال بھیجا گیا ہے۔