نئی دہلی 19/ جنوری (ایس او نیوز/ ایجنسی)  اتر پردیش کے ایٹہ میں جمعرات کی صبح ایک اسکول بس اور ٹرک کے درمیان ہوئی  زبردست ٹکر میں 15  اسکول بچوں سمیت 20 سے زائد لوگوں کی موت ہو گئی، جبکہ پچاس کے قریب بچے زخمی ہوگئے،  جنہیں مختلف اسپتالوں میں داخل کیا گیا ہے۔ حادثے میں اسکول بس کے ڈرائیور کی بھی موت واقع ہوئی ہے.جبکہ لاری ڈرائیور کو شدید زخمی حالت میں مقامی اسپتال میں داخل کیا گیا ہے۔ حادثہ جے ایس پبلک اسکول کی بس کے ساتھ رونماہوا، جوکہ ایٹہ شہر سے تقریبا 55 کلومیٹر دور واقع ہے. یہ حادثہ علی گنج ٹائون میں  اُس وقت پیش آیا جب ضلعی انتظامیہ نے تھنڈ کو دیکھتے ہوئے سبھی اسکولوں کو 20 جنوری تک بند کرنے کا حکم دیا تھا۔ مختلف خبررساں ایجنسیوں سے ملی اطلاع کے مطابق صبح کے اوقات میں گہرے کہر اور دھند کی وجہ سے دونوں ڈرائیور ایک دوسرے کی گاڑیوں کو نہیں دیکھ سکے اور تیز رفتاری کے ساتھ آمنے سامنے سے ٹکراگئے۔ مرنے والوں کے تعلق سے متضاد خبریں مل رہی ہیں۔ ٹائمز آف انڈیا نے جہاں مرنے والوں کی تعداد 25 بتائی ہے، وہیں کچھ میڈیا میں 20، کچھ میں 15 اور کچھ میں 13 بھی بتائی گئی ہیں۔

زخمیوں میں کافی بچوں کی حالت نازک بتائی گئی ہے۔ ذرائع کے مطابق بس میں سات سے دس سال تک کی عمرکے قریب پچاس بچے سوار تھے.

سرکاری حکم کے باوجود اسکول کھولے جانے کی وجہ سے اسکول آپریٹرز کے خلاف ایف آئی آر درج کر لی گئی ہے. دراصل، یوپی میں سرد لہر کا غضب جاری ہے. ایسے میں تمام اسکولوں میں 20 تاریخ تک چھٹی کا اعلان کیا گیا ہے. لہذا، ضلع مجسٹریٹ نے بھی محکمہ تعلیم کو متعلقہ اسکول کی منظوری منسوخ کرنے کو کہا ہے.

وزیر اعظم نریندر مودی نے ٹویٹ کرتے ہوئے  اس حادثے پر افسوس ظاہر کیا ہے. انہوں نے لکھا، 'یوپی کے ایٹہ میں ہوئے حادثے سے انہیں گہرا دکھ پہنچا ہے۔ خاندانوں کے دکھ میں میں شامل ہوں اور جن بچوں کی موت ہوئی ہے اس پر غم کا اظہار کرتا ہوں. میں دعا کرتا ہوں کہ جو حادثے میں زخمی ہوئے ہیں وہ جلد سے جلد ٹھیک ہوں '.

اتر پردیش کے پولیس ڈائریکٹر جنرل جاويد احمد نے بھی ٹویٹ کرتے ہوئے اس واقعہ کے بارے میں معلومات دی ہے. انہوں نے کہا کہ زخمیوں کو بچانے کی پوری کوشش کی جارہی  ہیں.

راج ناتھ سنگھ نے بھی اس واقعہ پر گہرا دکھ کا اظہار کیا ہے.

یوپی کے اے ڈی جی دلجیت چودھری نے کہا کہ واقعہ میں 13 بچوں کی موت ہوئی ہے جبکہ بہت سے بچے شدید زخمی ہوئے ہیں. پولیس نے تصدیق کی ہے کہ تمام بچوں کو بس سے نکال لیا گیا ہے اور زخمیوں کو علاج کے لئے ضلع اسپتال میں داخل کرایا گیا ہے.