ملک بھر میں 2044 ماڈل کیمیاوی کھاد خردہ دوکانیں کھولی گئی ہیں:راؤ اندر جیت سنگھ
نئی دہلی16مارچ( ایس او نیوز؍آئی این ایس انڈیا ) منصوبہ بندی(آزادانہ چارج) اور کیمیاوی اشیاء و کیمیاوی کھادوں کے وزیر مملکت جناب راؤ اندر جیت سنگھ نے جناب مہیش پودّار کے سوال کے تحریری جواب میں آج راجیہ سبھا میں بتایا ہے کہ حکومت نے کوالٹی کی حامل کیمیاوی کھادیں فراہم کرنیا ور ملک کو درکار کاشتکاری کے اوزار اور دیگر آلات و سازوسامان کے حصول کیلئے متعدد اقدامات کئے ہیں۔ انہوں نے بتایا کہ 2016 کے بجٹ میں اس امر کا اعلان کیا گیا تھا کہ 3برسوں کی مدت کے دوران 2 ہزار ماڈل کیمیاوی کھاد وں کی خردہ دوکانیں ملک بھر میں کھولی جائیں گی۔ یہ نشانہ حاصل کر لیا گیا ہے اور 2044 ماڈل کیمیاوی کھادوں کی خردہ دوکانیں چالو کی گئی ہیں۔ماڈل کیمیاوی کھادوں کی خردہ دوکانیں اصل نرخوں پر عمدگی کی حامل کیمیاوی کھادیں فراہم کرتی ہیں۔ مٹی کی جانچ کا کام انجام دیتی ہیں۔ بیجوں کی جانچ کرتی ہیں۔ تغذیہ کے سلسلے میں ان کا استعمال متوازن طریقے سے کئے جانے کے طریقے کو فروغ دیتی ہیں۔ ان دوکانوں کے ذریعے کچھ اختیاری خدمات بھی انجام دیئے جاتے ہیں۔ ان میں ٹریکڑوں کو کرائے پر حاصل کرنا، لیزر لیولرس یعنی اوبڑ کھابڑ والی زمینوں کو برابرکرنیکیلئے مشین کی فراہمی ، روٹاویٹر کی فراہمی، فصل کاٹنے والی مشین کی فراہمی اور فصل پکنے کے بعد اناج الگ کرنے والی مشین کی فراہمی، کیڑا کُش دوائیں چھڑکنے والی مشین کی فراہمی، پھاؤڑے، ہسیا وغیرہ کی فراہمی بھی شامل ہیں۔