لکھنؤ آگرہ ایکسپریس وے پر ٹچ ڈاؤن کریں گے فضائیہ کے لڑاکا طیارے
نئی دہلی،23؍اکتوبر (ایس او نیوز؍آئی این ایس انڈیا ) لکھنؤ سے قریب 70 کلو میٹر دور لکھنؤ آگرہ ایکسپریس ہائی وے پر منگل 24 اکتوبر کو فضائیہ کے 15 لڑاکا اور دو نقل و حمل ہوائی جہازٹچ ڈاؤن کریں گے یعنی زمین کو چھوتے ہوئے آسمان میں اڑیں گے۔ایسا پہلی بار ہو گا کہ جب اناؤ کے پاس وانگر مؤ ہائی وے پر17 ہوائی جہاز ہائی وے پر ٹچ ڈاؤن کریں گے۔جب یہ ایکسپریس وے بن رہا تھا، تبھی فضائیہ کے درخواست پر چار کلومیٹر کا پیچ رن وے کی طرح ہی تکنیکی طور پر مضبوط اور ٹھوس بنایا گیا تھا ۔ویسے گزشتہ سال بھی فضائیہ کے آٹھ جنگجو نے اسی جگہ ایکسپریس وے پر اور2015 میں متھرا کے پاس یمنا ایکسپریس وے پر بھی فضائیہ کے لڑاکا طیارے میراج 2000 نے ٹچ ڈاؤن کیا تھا۔ ویسے جس جگہ پر بھی فضائیہ کے لڑاکا طیارے کو ٹچ ڈاؤن کرایا گیا تھا وہ ایک طرح سے عام سڑک کے ساتھ ساتھ رن وے بھی ہے۔ اس کوخاص طور پر رن وے کی طرح بنایا گیا ہے کہ وہ لڑاکا طیارے کا بوجھ برداشت سکے۔ اس کے پس پشت مقصد یہ ہے کہ ہنگامی حالات میں جب رن وے ہوائی جہاز کے لئے دستیاب نہیں ہو تو پھر فوجیوں کو ایسی جگہوں پر اتارا جانا ممکن ہو۔