پارلیمنٹ سیشن کے ہنگامہ خیز رہنے کاخدشہ;گؤرکشکوں کی کھلے عام غنڈہ گردی،بدامنی،کشمیراورچین کے مسائل وغیرہ پراپوزیشن کے تیورسخت

Source: S.O. News Service | Published on 16th July 2017, 8:20 PM | ملکی خبریں |

نئی دہلی، 16/جولائی(ایس او نیوز/آئی این ایس انڈیا) ملک میں مبینہ گؤرکشکوں کی د ہشت گردی سے منسلک واقعات، امرناتھ دہشت گردانہ حملہ سمیت جموں وکشمیر کی صورت حال،ڈوکلام میں چین کے ساتھ جاری تعطل، دارجلنگ میں بدامنی سمیت مختلف مسائل پر کانگریس، لیفٹ، ترنمول کانگریس سمیت حزب اختلاف کی طرف سے حکومت کو گھیرنے کی منشا واضح کرنے سے پارلیمنٹ کے پیر سے شروع ہورہے مانسون اجلاس کے ہنگامہ خیز رہنے کا خدشہ ہے، تو وہیں حکومت نے تمام امورپربحث کرانے کی خواہش کااظہارکرنے کے ساتھ16نئے بل پیش کرنے کی بات کہی ہے۔پارلیمانی امور کے وزیرمملکت مختار عباس نقوی نے کہاہے کہ پارلیمنٹ کے مانسون اجلاس میں کئی اہم موضوعات آئیں گے۔ہم قوانین کے مطابق تمام مسائل پر ایوان میں بحث کے لیے تیارہیں۔ایوان بحث کااسٹیج ہے۔ہمیں پوری امید ہے کہ اپوزیشن مثبت کردار نبھائے گا۔انہوں نے کہا کہ سیشن کے دوران کئی اہم بل پیش کئے جائیں گے اور بہت بل بحث کے بعد منظور ہوں گے جو ملک کے لیے اہم ہیں۔حکومت اپوزیشن کی جانب سے اٹھائے گئے تمام موضوعات پر قوانین کے مطابق بحث کوتیارہے۔بہرحال کشمیر اور چین کے معاملے پر کانگریس سمیت اپوزیشن پارٹیاں حکومت کو گھیرنے کی کوشش کریں گی۔کانگریسی لیڈرغلام نبی آزاد کہہ چکے ہیں کہ پارٹی سیکورٹی کے مسائل خاص طورپرکشمیر،کسانوں،گؤرکشکوں کے حملوں، چین کے ساتھ سرحدی تنازعے کو مانسون اجلاس میں اٹھائے گی۔بہرحال، لوک سبھا اور راجیہ سبھا میں 16نئے بل پیش کئے جائیں گے، جن میں جموں و کشمیر،جی ایس ٹی بل اور شہریت ترمیمی بل شامل ہیں۔ان بلوں میں جی ایس ٹی سے منسلک بل اہم ہے۔جموں وکشمیر میں جی ایس ٹی نافذ کرنے سے متعلق دوبل کے علاوہ پنجاب میونسپل قانون (چنڈی گڑھ تک توسیع)ترمیمی بل -2017بھی پیش کیا جائے گا، جس میں چنڈی گڑھ میونسپل کو تفریح اور کے کھیل پر جی ایس ٹی کے تحت لگانے کا حق دیے جانے کا انتظام ہے۔

ایک نظر اس پر بھی

لو جہاد ملک کے لئے بڑا خطرہ: وی ایچ پی 

اپنے متانازعہ بیان سے مشہور وشو ہندو پریشد نے آج پھر لوجہاد کا شوشہ چھوڑتے ہوئے کہا کہ لو جہاد ملک کی سلامتی کے سامنے بڑا خطرہ ہے اور سیکولر برادری کو جہادیوں کے اس غلط کارروائیوں پر پردہ نہیں ڈالنا چاہئے۔

سی ایم شیوراج کا اعلان، مدھیہ پردیش میں نہیں دکھائی جائے گی ’پدماوتی‘فلم

سنجے لیلا بھنسالی کی فلم ’پدماوتی‘ کی ریلیز ڈیٹ اگرچہ ٹل گئی ہو لیکن اس فلم کے ساتھ تنازعہ ختم ہونے کا نام نہیں لے رہاہے اب وزیر اعلیٰ شیوراج سنگھ نے اعلان کیا ہے کہ مدھیہ پردیش میں ’پدماوتی‘فلم نہیں دکھائی جائے گی۔

بی جے پی سورج پال امّوکو بھیجا وجہ بتاؤ نوٹس، دیپکا اور بھنسالی کا سر قلم کرنے پر کیا تھا 10کروڑ کا اعلان

بی جے پی نے ہریانہ بی جے پی کے چیف میڈیا کوآرڈنیٹر کنور سورج پال امو کو وجہ بتاو نوٹس جاری کیا ہے۔امّو نے دیپکا پادکون اور سنجے لیلا بھنسالی کا سر کاٹ کر لانے والے کو دس کروڑ کا انعام دینے کا اعلان کیا تھا۔