ಹಳಿಯಾಳ: ದಾಖಲೆ ಇಲ್ಲದೇ ಪ್ರತ್ಯೇಕವಾಗಿ ಎರಡು ಕಾರುಗಳಲ್ಲಿ ಸಾಗಿಸುತ್ತಿದ್ದ ಒಟ್ಟು 8.50 ಲಕ್ಷ ನಗದನ್ನು ಚುನಾವಣಾ ವಿಚಕ್ಷಣ ದಳ ಸೋಮವಾರದಂದು ಜಪ್ತಿ ಮಾಡಿದೆ.
ಹಳಿಯಾಳದ ಮಾವಿನಕೊಪ್ಪ ಚೆಕ್ ಪೋಸ್ಟ್ ಸಮೀಪ ನಗದನ್ನು ವಶಪಡಿಸಿಕೊಳ್ಳಲಾಗಿದೆ.
ಧಾರವಾಡದಿಂದ ಹಳಿಯಾಳಕ್ಕೆ ವೆರ್ನಾ ಹೈಯುಂದೈ ಕಾರಿನಲ್ಲಿ ಬೆಳಿಗ್ಗೆ ಸುಮಾರು 1.50 ಲಕ್ಷ ಹಾಗೂ ಹಾಗೂ ಮಧ್ಯಾಹ್ನ ಇನೋವಾ ಕಾರಿನಲ್ಲಿ 7 ಲಕ್ಷ ನಗದನ್ನು ಧಾರವಾಡದಿಂದ ಭಟ್ಕಳಕ್ಕೆ ಸಾಗಿಸಲಾಗುತ್ತಿತ್ತು.
ಗುತ್ತಿಗೆದಾರರಿಗೆ ಸೇರಿದ ಹಣ ಇದಾಗಿದೆ ಎಂದು ತಿಳಿದು ಬಂದಿದ್ದು, ದಾಖಲೆಗಳನ್ನು ಒದಗಿಸಲು ಅಧಿಕಾರಿಗಳು ತಿಳಿಸಿದ್ದಾರೆ. ಚುನಾವಣಾ ಸಮಯದಲ್ಲಿ ಈ ರೀತಿ ಹಣ ಸಾಗಣೆ ಅಪರಾಧವಾಗಿರುವ ಕಾರಣ ಈ ಬಗ್ಗೆ ಹೆಚ್ಚಿನ ತನಿಖೆ ಮುಂದುವರಿದಿದೆ