ನವದೆಹಲಿ : ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಗಳು ಮತ್ತೊಮ್ಮೆ ಏರಿಕೆಯಾಗಿದ್ದು, ಜನವರಿ 15ರಿಂದ ನೂತನ ದರ ಜಾರಿಗೆ ಬರಲಿದೆ. ಪೆಟ್ರೋಲ್ ಲೀಟರೊಂದಕ್ಕೆ 42 ಪೈಸೆ ಹಾಗೂ ಡೀಸೆಲ್ ಗೆ 1 ರೂ. 3 ಪೈಸೆ ಏರಿಕೆಯಾಗಿದೆ.  ಜಾಗತಿಕ ತೈಲ ಮಾರುಕಟ್ಟೆಯಲ್ಲಿನ ಬೆಲೆಯೇರಿಕೆಯೇ ಇದಕ್ಕೆ ಕಾರಣ ಎನ್ನಲಾಗಿದೆ. ಈ ಬೆಲೆಯೇರಿಕೆಯ ನಂತರ ರಾಜಧಾನಿ ದೆಹಲಿಯಲ್ಲಿ ಪೆಟ್ರೋಲ್ ದರ 71.02 ಹಾಗೂ ಡೀಸೆಲ್ ದರ 58.85 ರೂ.ಗೆ ಏರಿಕೆಯಾಗಲಿದೆ.

‘’ಪೆಟ್ರೋಲ್ ಹಾಗೂ ಡೀಸೆಲ್ ಕಚ್ಛಾವಸ್ತುಗಳ ಬೆಲೆಯೇರಿಕೆ ಪೆಟ್ರೋಲ್ ಹಾಗೂ ಡೀಸೆಲ್ ಮಾರಾಟ ಬೆಲೆಯನ್ನು ಹೆಚ್ಚಿಸಿದೆ. ತೈಲ ಬೆಲೆಯೇರಿಕೆಯಾಗಿ ಇದರ ಪರಿಣಾಮ ಗ್ರಾಹಕ ಮೇಲೆ ಬೀರಿದೆ” ಎಂದು ಮೂಲಗಳು ತಿಳಿಸಿವೆ. ಜನವರಿ 2 ರಂದು ಪೆಟ್ರೋಲ್ ದರ 1.29 ರೂ. ಹಾಗೂ ಡೀಸೆಲ್ ದರ 97 ಪೈಸೆ ಏರಿಕೆಯಾಗಿತ್ತು.