ಕಾರವಾರ: ದಿವೇಕರ ಕಲಾ ನಿಕೇತನದ ಸಂಗೀತ ವಿದ್ಯಾಲಯದಲ್ಲಿ ನಡೆದ ಸಂಗೀತ ಕಾರ್ಯಕ್ರಮ ಗಮನ ಸೆಳೆಯಿತು. ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳು ಗಾಯನ ಹಾಗೂ ವಾದನ ಪ್ರಸ್ತುತ ಪಡಿಸಿದರು.
ಶಾಲಾ ಶಿಕ್ಷಕ ಗಣಪತಿ ಹೆಗಡೆ, ವಿದ್ಯಾರ್ಥಿಗಳಾದ ಗುರುರಾಜ ಹಾಗೂ ವಿಕ್ರಮ ಶಾನಭಾಗ ತಬಲವಾದಕರಾಗಿದ್ದರು. ಸಂವಾಧಿನಿಯಲ್ಲಿ ಶಿಕ್ಷಕ ಮಾರುತಿ ನಾಯ್ಕ, ಹಾಗೂ ವಿದ್ಯಾರ್ಥಿನಿಯರಾದ ಅದಿತಿ ಭಟ್ಟ, ಚೇತನಾ ದಿಶಾ ಶಾನಭಾಗ ಸಾಥ್ ನೀಡಿದರು. ಮೇಘಾ ಕೇಣಿಕರ್ ಪ್ರಸ್ತಾಪಿಸಿ ಸ್ವಾಗತಿಸಿದರು. ಜಯಶೀಲಾ ಬೀಷ್ಠಣ್ಣನವರ್ ನಿರ್ವಹಿಸಿದರು. ಲತಾ ಭಟ್ಟ ವಂದಿಸಿದರು. ದಿವೇಕರ್ ವಾಣಿಜ್ಯ ಕಾಲೇಜು ಪ್ರಾಚಾರ್ಯ ಬಿ.ಎಚ್ ನಾಯಕ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮೆಚ್ಚುಗೆ ವ್ಯಕ್ತಪಡಿಸಿದರು.