ಯಲ್ಲಾಪುರ: ಅಕ್ರಮವಾಗಿ ಗೋವಾ ಮದ್ಯ ಸಾಗಿಸುತ್ತಿದ್ದ ವ್ಯಕ್ತಿಯನ್ನು ತಾಲ್ಲೂಕಿನ ಕಿರವತ್ತಿಯ ತಾತ್ಕಾಲಿಕ ಅಬಕಾರಿ ಠಾಣೆಯ ಬಳಿ ಸ್ಥಿರ ಕಣ್ಗಾವಲು ಪಡೆಯ ಅಧಿಕಾರಿಗಳು ಬಂಧಿಸಿದ್ದಾರೆ.
ಹಾವೇರಿ ಜಿಲ್ಲೆಯ ಹಾನಗಲ್ ತಾಲ್ಲೂಕಿನ ಯಲವಟ್ಟಿಯ ಫಕೀರೇಶ ಭೀಮಪ್ಪ ಸರವಿ ಬಂಧಿತ ವ್ಯಕ್ತಿ. ಈತ ಅಕ್ರಮವಾಗಿ ಗೋವಾ ಮದ್ಯ ಸಾಗಿಸುತ್ತಿರುವಾಗ ತನಿಖಾ ಠಾಣೆ ಬಳಿ ಅಧಿಕಾರಿಗಳು ತಪಾಸಣೆ ನಡೆಸಿದ್ದು, ₹ 3,720 ಮೌಲ್ಯದ 31.5 ಲೀಟರ್ ಮದ್ಯ ವಶಪಡಿಸಿಕೊಂಡಿದ್ದಾರೆ.
ಅಬಕಾರಿ ಉಪ ಆಯುಕ್ತ ಮಂಜುನಾಥ ಎಲ್.ಎ ಅವರ ಮಾರ್ಗ
ದರ್ಶನದಲ್ಲಿ ತಹಶೀಲ್ದಾರ್ ಶಂಕರ ಜಿ.ಎಸ್, ಅಬಕಾರಿ ಉಪ ಅಧೀಕ್ಷಕಿ ಸ್ವಪ್ನ ಆರ್.ಎಸ್, ನಿರೀಕ್ಷಕರಾದ ಶಂಕರಗೌಡ ಪಾಟೀಲ, ಉಪನಿರೀಕ್ಷಕ ಸಿದ್ದಪ್ಪ ಮೇಟಿ, ಎಸ್‍ಎಸ್‍ಟಿ ತಂಡದ ಶ್ರೀಧರ ನಾಯ್ಕ, ಸೂರ್ಯಕಾಂತ ಕಲಮನಿ, ನಾಗೇಂದ್ರ ಸಿದ್ದಿ, ಚೆನ್ನಕೇಶವ ಡಿ.ಕೆ, ಬಿ.ಎಸ್.ನಾಯ್ಕ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.