ಅನ್ನಭಾಗ್ಯ ಅಕ್ಕಿಯನ್ನು ಕಾಳಸಂತೆಗೆ ಮಾರಾಟ ಮಾಡಲು ತಗೆದುಕೊಂಡು ಹೋಗುತ್ತಿರುವಾಗ ಗ್ರಾಮಸ್ಥರು  ನ್ಯಾಯ ಬೆಲೆ ಅಂಗಡಿ ಮಾಲೀಕರ ಸೇರಿದಂತೆ ಅಕ್ಕಿ ಸಾಗಿಸುತ್ತಿದ್ದ ಇನ್ನಿಬ್ಬರನ್ನು ಹಿಡಿದು ಹಿಗ್ಗಾ ಮುಗ್ಗಾ ಥಳಿಸಿ ಪೊಲೀಸರಿಗೆ ಒಪ್ಪಿಸಿದ ಘಟನೆ ಕುಂದಗೋಳ ತಾಲೂಕಿನ ‌ನೆಲವಡಿ ಗ್ರಾಮದಲ್ಲಿ ನಡೆದಿದೆ. ಕುಂದಗೋಳ ತಾಲೂಕಿನ ತರ್ಲಘಟ್ಟ ಗ್ರಾಮದ  ವೀರಯ್ಯ ನಾಗಾವಿ ಸೇರಿದಂತೆ ಆತನ ಇಬ್ಬರು ಸಹಚರರೇ ಥಳಿಸಿಕೊಂಡವರು. ವೀರಯ್ಯ ನಾಗಾವಿ ತರ್ಲಘಟ ಗ್ರಾಮದಲ್ಲಿ ನ್ಯಾಯಬೆಲೆ ಅಂಗಡಿ ನಡೆಸುತ್ತಿದ್ದು, ಈತ  ಬಡವರಿಗೆ ಬಂದ ಅನ್ನಭಾಗ್ಯ ಅಕ್ಕಿಯನ್ನು ಕಾಳ ಸಂತೆಗೆ ಮಾರಾಟ ಮಾಡುತ್ತಿದ್ದ ಎಂಬ ಆರೋಪ‌ ಕೇಳಿ ಬಂದಿದ್ದವು. ಆದ್ರೆ  ಇಂದು  ಟಾಟಾ ಏಸ್ ವಾಹನದಲ್ಲಿ ಅನ್ನಭಾಗ್ಯ ಅಕ್ಕಿ ಸಾಗಿಸುತ್ತಿದ್ದಾಗ ಸಾರ್ವಜನಿಕರ ಕೈಗೆ ಖದೀಮರಿ ಸಿಕ್ಕು ಬಿದ್ದಿದ್ದಾರೆ. ತರ್ಲಘಟ್ಟ ಗ್ರಾಮದಿಂದ ತೆರಳುವಾಗ ನೆಲವಡಿ ಗ್ರಾಮದ ಬಳಿ ಗ್ರಾಮಸ್ಥರು ಇವರನ್ನು ಹಿಡಿದಿದ್ದಾರೆ. ಇವರಿಂದ ಸುಮಾರು 12 ಕ್ವಿಂಟಾಲ್ ಅಕ್ಕಿ 1200 ಖಾಲಿ ಚೀಲ ಜಪ್ತಿ ಮಾಡಿಕೊಂಡಿದ್ದಾರೆ. ಬಳಿಕ ಅನ್ನ ಭಾಗ್ಯ ಅಕ್ಕಿ ಮಾರಾಟ ಮಾಡುತ್ತಿದ್ದವರನ್ನ  ಕುಂದಗೋಳ ಪೊಲೀಸರಿಗೆ ಒಪ್ಪಿಸಿದ್ದಾರೆ.