ಸಿನಿಯರ್ ರಾಷ್ಟ್ರೀಯ ಫುಟ್ಬಾಲ್ ಚಾಂಪಿಯನ್ಶಿಪ್7 ಗೆದ್ದುಕೊಂಡ ಭಟ್ಕಳದ ‘ಬಿಫಾ’; ಪುಟ್ಬಾಲ್ ಪ್ರೇಮಿಗಳಿಂದ ಆದ್ದೂರಿಯ ಸ್ವಾಗತ
ಭಟ್ಕಳ: ಫುಟ್ಬಾಲ್ 7 ಅಸೋಸಿಯೇಶನ್ ಮಹರಾಷ್ಟ್ರದ ಔರಂಗಬಾದ್ ನಲ್ಲಿ ಮಾ. 4,5 2018ರಂದು ಆಯೋಜಿಸಿದ್ದ ಸಿನಿಯರ್ ರಾಷ್ಟ್ರೀಯ ಫುಟ್ಬಾಲ್ ಚಾಂಪಿಯನ್ ಪಂದ್ಯಾವಳಿಯಲ್ಲಿ ಕರ್ನಾಟಕ ರಾಜ್ಯವನ್ನು ಪ್ರತಿನಿಧಿಸಿದ್ದ ಭಟ್ಕಳದ ‘ಬಿ.ಐ.ಎಫ್.ಅ (ಬಿಫಾ) ಭಟ್ಕಳ ಇಂಟರ್ ಫುಟ್ಬಾಲ್ ಅಸೋಸಿಯೇಶನ್ ತಂಡವು ಉತ್ತಮ ಪ್ರದರ್ಶನ ನೀಡುವುದರ ಮೂಲಕ ರಾಷ್ಟ್ರೀಯ ಚಾಂಪಿಯನ್ಶಿಪ್ ನ್ನು ತನ್ನ ಮುಡಿಗೇರಿಸಿಕೊಂಡಿದೆ.
ಚಾಂಪಿಯನ್ ತಂಡ ಬುಧವಾರ ಭಟ್ಕಳ ರೈಲು ನಿಲ್ದಾಣದಲ್ಲಿ ತಲುಪಿದ್ದು ಇಲ್ಲಿನ ಫುಟ್ಬಾಲ್ ಪ್ರೇಮಿಗಳು ಜಯಘೋಷದೊಂದಿಗೆ ತಂಡವನ್ನು ಆದ್ಧೂರಿಯಾಗಿ ಸ್ವಾಗತಿಸಿದರು.
ಈ ಸಂದರ್ಭದಲ್ಲಿ ತಂಡದ ಕೋಚ್ ಮಾವಿಯಾ ಮೊಹತೆಶಮ್, ತಂಡದ ನಾಯಕ ಝುಹೇರ್ ಅರ್ಮಾರ್, ತಂಡದ ಸದಸ್ಯರಾದ ನದೀದ್ ಕಾಡ್ಲಿ, ಅಫ್ಝಾನ್ ಜಬಾಲಿ, ತಾಬಿಷ್ ಗವಾಯಿ, ಮುಹಮ್ಮದ್ ಕಾಮಿಲ್, ಸೇರಿದಂತೆ ಭಟ್ಕಳದ ತಂಝೀಮ್ ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಮುಹಿದ್ದೀನ್ ಅಲ್ತಾಫ್ ಖರೂರಿ, ಖಮರ್ ಸಾದಾ, ಹಿಫ್ಝುರ್ರಹ್ಮಾನ್, ವಸೀಮ್ ಕೆ.ಎಂ. ಮತ್ತಿತರರು ಉಪಸ್ಥಿತರಿದ್ದು ತಂಡದ ಸದಸ್ಯರನ್ನು ಆದ್ದೂರಿಯಾಗಿ ಸ್ವಾಗತಿಸಿದರು. ಕರ್ನಾಟಕ ರಾಜ್ಯ ಫುಟ್ಬಾಲ್ 7 ಅಸೋಸಿಯೇಶನ್ ರಾಜ್ಯಾಧ್ಯಕ್ಷ ರಂಜೀತ್ ಕುಮಾರ್ ತಂಡದ ವ್ಯವಸ್ಥಾಪಕರಾಗಿದ್ದರು.
ಈ ಸಂದರ್ಭದಲ್ಲಿ ಮಾತನಾಡಿದ ತಂಡದ ಕೋಚ್ ಮಾವಿಯಾ ಮೊಹತೆಶಮ್ ನಮ್ಮ ತಂಡವು ಅತ್ಯುತ್ತಮ ಪ್ರದರ್ಶನ ನೀಡಿ ಚಾಂಪಿಯನ್ಶಿಪ್ ಪಡೆದುಕೊಂಡಿದ್ದು ರಾಜ್ಯದ ಹೆಮ್ಮೆಯ ವಿಷಯವಾಗಿದೆ. ಇದು ಇದೇ ವರ್ಷ ಎಪ್ರಿಲ್ ತಿಂಗಳಲ್ಲಿ ದಕ್ಷಿಣ ಅಮೇರಿಕಾ ಮತ್ತು ದುಬೈಯಲ್ಲಿ ಜರಗುವ ಅಂತರಾಷ್ಟ್ರೀಯ ಪಂದ್ಯಾವಳಿಯಲ್ಲಿ ಭಾಗವಹಿಸುವ ಅವಕಾಶವನ್ನು ಪಡೆದುಕೊಂಡಿದೆ ಎಂದರು.