نوپور شرما کو سپریم کورٹ سے راحت ،توہین رسالتؐ کے تعلق سے درج تمام ایف آئی آرز دہلی منتقل
نئی دہلی، 11؍اگست(ایس او نیوز؍ایجنسی)توہین رسالتؐ کے الزمات کا سامنا کر رہی بی جے پی کی معطل ترجمان نوپور شرما کو سپریم کورٹ نے راحت فراہم کی ہے۔ عدالت عظمیٰ نے نوپور شرما کے خلاف درج تمام ایف آئی آرز کو یکجا کرتے ہوئے دہلی منتقل کرنے کا حکم صدر کیا ہے۔ اب ان تمام ایف آئی آرز کی تحقیقات دہلی پولیس کے سپرد کی گئی ہے۔ سپریم کورٹ نے کہا کہ تحقیقات مکمل ہونے تک نوپور شرما کو تمام زیر التوا اور مستقبل کی ایف آئی آر میں گرفتاری سے تحفظ جاری رہے گا۔