ممبئی،24/مارچ (ایس او نیوز/آئی این ایس انڈیا) کرونا وائرس انفیکشن کی جانچ اب آپ گھر بیٹھ کرہی کرا سکیں گے۔ گھر بیٹھے کرونا ٹیسٹ کی جانچ کا آغاز ممبئی میں ہوا ہے۔ کرونا ٹیسٹ کی اجازت ایک پرائیویٹ پیتھالوجی لیب کو دی گئی ہے۔ میٹروپولس اور تھائروکیئرکی پرائیویٹ پیتھالوجی لیب میں کرونا ٹیسٹ کیا جا سکتا ہے۔

مرکزی حکومت کی جانب سے فی الحال ان 2 پیتھالوجی لیب کوکرونا ٹیسٹ کی جانچ کی اجازت دی گئی ہے۔ پرائیویٹ لیب میں کرونا ٹیسٹ کرانے کے لئے آپ کا خرچ ساڑھے 4 سے 5 ہزار روپے تک آسکتا ہے۔ صبح 7 بجے سے رات 10 بجے کے درمیان رابطہ کر کے جانچ کے لئے کہا جا سکتا ہے۔ اس دوران پیتھالوجی لیب کے ملازم گھر پہنچ کر نمونے لیں گے اور 48 گھنٹے میں رپورٹ دیں گے۔ حالانکہ اس کے لئے ڈاکٹرس کی دی گئی ہدایات بہت سخت ہیں۔ اگر آپ ممبئی میں رہتے ہیں اور آپ کو لگتا ہے کہ آپ انفیکشن کے شکار ہیں تو آپ کرونا انفیکشن کی جانچ اپنے گھر بیٹھے کروا سکتے ہیں۔ جانچ کے لئے آپ 02266505555 نمبر پر رابطہ کرکے  بکنگ کروا سکتے ہیں ممبئی کے شہری گھر بیٹھے جانچ کے لئے نیچے دیے گئے معلومات کی بنیاد پر رابطہ کر سکتے ہیں۔
تھایوکیئر کووڈ -19 ٹیسٹ
1۔ فون /وہاٹس اپ: 9321414230
2۔ ای میل- [email protected]
3۔ فون بکنگ: 02266505555
ان پرائیویٹ لیب کے علاوہ بہت جلد ممبئی مہا نگرپالکا بھی گھر گھر جاکر کرونا جانچ کا آغاز کرے گی۔ اس کے لئے بی ایم سی مسلسل کام کر رہی ہے اور جانچ کرنے والی ٹیم کو ٹریننگ دی جا رہی ہے۔