پروین سود نے سنبھالا سی بی آئی ڈائرکٹر کا عہدہ

Source: S.O. News Service | Published on 26th May 2023, 9:17 AM | ملکی خبریں | ان خبروں کو پڑھنا مت بھولئے |

نئی دہلی،26/مئی(ایس او نیوز/ایجنسی)1986 بیاچ کے سینئر آئی پی ایس افسر پروین سود نے جمعرات کو سی بی آئی ڈائریکٹر جنرل کا عہدہ سنبھال لیا۔ وہ اس عہدہ پر آنے سے پہلے کرناٹک میں ڈی جی پی تھے۔ افسروں نے بتایا کہ اپنے کام کاج کے آخری دن سبکدوش ہورہے ڈائریکٹر سبودھ کمار جیسوال نے سود کو ہیڈکوارٹر میں ایجنسی کا چارج سونپا۔ سی بی آئی ڈائریکٹر جنرل کا عہدہ سنبھالنے کے بعد پروین سود نے افسروں کے ساتھ میٹنگ کرکے اہم معاملات کی جانکاری حاصل کی۔ پروین سود، ہماچل پردیش کے رہنے والے ہیں۔ انہیں دو سال کی مدت کیلئے مقرر کیا گیا ہے، لیکن مدت کار میں پانسال تک کی توسیع کی جاسکتی ہے۔

سبودھ کمار جیسوال کے بعد پروین سود ملک کے سب سے سینئر آئی پی ایس افسر ہیں۔ وزیراعظم مودی، چیف جسٹس ڈی وائی چندرچوڑ اور لوک سبھا میں اپوزیشن لیڈر ادھیر رنجن چودھری کی ایک اعلیٰ سطحی کمیٹی کی میٹنگ میں سود کے نام کو منظوری دی گئی تھی۔

بتایا جاتا ہے کہ کانگریس لیڈر چودھری نے اگلے سی بی آئی ڈائریکٹر کے طور پر سود کے انتخاب سے عدم اتفاق کا نوٹ دیا تھا۔ دراصل سی بی آئی ڈائریکٹر کی تقرری اور انتخاب کا عمل کافی تھکا دینے والا ہوتا ہے، کیونکہ اس کو کئی سطح پر فلٹر سے گزرنا ہوتا ہے-

مرکزی وزارت خارجہ میں کام کررہے ایک سینئر افسر نے کو بتایا کہ پروین سود، وزیراعظم کی فہرست میں سب سے اوپر تھے۔ انہیں ایک اعلیٰ سطحی کمیٹی کے تین میں سے دو اراکین وزیراعظم مودی اور ہندوستان کے چیف جسٹس ڈی وائی چندر چوڑ نے اتفاق رائے سے منتخب کیا۔

حالانکہ کمیٹی نے ان کے ساتھ ساتھ مدھیہ پردیش کے ڈی جی پی سدھیر کمار سکسینہ اور تاج حسن کے نام کو بھی شارٹ لسٹ کیا گیا تھا۔

ایک نظر اس پر بھی

ہیمنت سورین کو جھٹکا! سپریم کورٹ کا انتخابی تشہیر کے لئے عبوری ضمانت دینے سے انکار

جھارکھنڈ کے سابق وزیر اعلیٰ ہیمنت سورین کو مبینہ زمین گھوٹالہ سے متعلق منی لانڈرنگ کیس میں جھٹکا لگا ہے۔ عدالت نے بدھ کو اس معاملے میں لوک سبھا انتخابات کے سلسلے میں سورین کو عبوری ضمانت دینے سے انکار کر دیا ہے۔ سپریم کورٹ نے کہا، ’’نچلی عدالت اس معاملے کا نوٹس لے چکی ہے ...

ایسی سرگرمیوں سے ووٹرس پریشان، ووٹنگ کا حتمی فیصد تاخیر سے جاری کیے جانے پر کانگریس نے پھر اٹھائے سوال

لوک سبھا انتخاب 2024 میں پانچ مراحل کی ووٹنگ ہو چکی ہے۔ اس درمیان بدھ کو ایک بار پھر کانگریس نے الیکشن کمیشن کے ذریعہ ووٹنگ کا حتمی فیصد جاری کرنے میں تاخیر اور ووٹنگ کے عبوری فیصد و حتمی فیصد کے درمیان بڑے فرق پر فکر کا اظہار کیا ہے۔ کانگریس کا کہنا ہے کہ ووٹرس الیکشن کمیشن میں ...

انڈیا اتحاد کی حکومت بننے پر ’مودانی مہا گھوٹالہ‘ کی تحقیقات جے پی سی کے ذریعے کرائی جائیں گی: کانگریس

 کانگریس کے جنرل سکریٹری جے رام رمیش نے 22 مئی 2024 کو کہا کہ عام انتخابات میں انڈیا اتحاد بہتر کارکردگی کا مظاہرہ کرتا نظر آ رہا ہے، ’مودانی مہا گھوٹالہ‘ کے سلسلے میں انکشافات کا ٹیمپو بھی رفتار پکڑ رہا ہے۔ جے رام رمیش نے ایکس پر لکھا، ’’مودانی مہا گھوٹالے کے سلسلہ میں آج ہونے ...

انڈیا اتحاد کی حکومت بننے کے بعد بی جے پی لیڈر اور مرکزی ایجنسیوں کے افسر جیل جائیں گے: آتشی

عام آدمی پارٹی کی لیڈر آتشی نے کہا کہ 4 جون کے بعد جب انڈیا اتحاد کی حکومت بنے گی تو الیکٹورل بانڈ اسکیم کی تحقیقات ہو گی جس میں نہ صرف بی جے پی کے لیڈر جیل جائیں گے بلکہ انفورسمنٹ ڈائریکٹوریٹ (ای ڈی)، سینٹرل بیورو آف انویسٹی گیشن (سی بی آئی) اور انکم ٹیکس ڈپارٹمنٹ کے افسر بھی جیل ...

کرناٹک میں پی یو سی سال دوم کے دوسرے مرحلے کے نتائج کا اعلان؛ 35.25 فیصد طلبا ءکامیاب

تعلیمی  سال برائے 24-2023 کے پی یوسی سال دوم کے دوسرے مرحلہ کے امتحان کا نتیجہ شائع ہو گیا ہے ، صرف 35.25 فیصد  طلبا ء  ہی امتحان پاس کر پائے ہیں۔ ہمیشہ کی طرح اس بار بھی طالبات نے پی یوسی سال دوم کے امتحان کے دوسرے مرحلہ میں ممتاز نمبرات سے ٹاپ کیا ہے۔

دہلی سے پنجاب-ہریانہ تک گرمی کی لہر، کیرالہ-تمل ناڈو میں شدید بارش کا الرٹ

ملک میں دو طرح کا موسم دیکھا جا رہا ہے۔ ایک طرف شمالی ہندوستان کی زیادہ تر ریاستوں میں شدید گرمی ہے تو دوسری طرف جنوبی ہندوستان میں موسلادھار بارش دیکھی جا رہی ہے۔ محکمہ موسمیات (آئی ایم ڈی) کے مطابق راجستھان، پنجاب، ہریانہ، دہلی، یوپی، مدھیہ پردیش اور گجرات میں گرمی کی شدید ...