بھٹکل کی طالبہ کے ساتھ جنسی ہراسانی؛ اسکول ہیڈ ماسٹر گرفتار

Source: S.O. News Service | By I.G. Bhatkali | Published on 18th November 2023, 7:52 PM | ساحلی خبریں |

بھٹکل 18/نومبر(ایس او نیوز)   بھٹکل  جالی پٹن پنچایت حدود کے ایک سرکاری اسکول کی طالبہ کے ساتھ جنسی ہراسانی کا معاملہ سامنے آنے کے بعد پولس نے اسکول ہیڈماسٹر کو گرفتار کرلیا ہے ، جس کی شناخت  شریدھر نائک  (57) کی حیثیت سے کی گئی ہے۔

پتہ چلا ہے کہ ساتویں کی ایک   طالبہ کو مبینہ طور پر  پیسوں کا لالچ  دے کر  اس کے ساتھ   غلط حرکتیں کررہا تھا،  جب طالبہ نے   دو تین  دنوں سے اسکول جانا بند کردیا تو   گھروالوں کے استفسار پر لڑکی نے ماجرا بتایا۔ معاملہ سامنے آتے ہی گھر والے سیدھے  اسکول پہنچ گئے اور استاد کو آڑے ہاتھ لیا، معاملہ سامنے آتے ہی اُسی اسکول کی ایک اور طالبہ نے بھی سامنے آکر بتایا کہ  ہیڈ ماسٹر  اپنے ساتھ بھی اسی طرح کا سلوک کرچکا ہے۔

 واقعے کا علم ہوتے ہی  گھروالے سیدھے  بھٹکل ٹاون پولس تھانہ پہنچ گئے اور  متعلقہ استاد کے خلاف شکایت درج کرادی۔ طالبات کی میڈیکل جانچ وغیرہ کرانے کے بعد  ٹاون پی ایس آئی  شیوانند نے  استاد کے خلاف پوکسو ایکٹ کے تحت معاملہ درج کرکے  استاد کو گرفتار کرلیا ، پھر سیدھے  کاروار پوکسو عدالت میں پیش کرنے کے لئے  روانہ کردیا۔

پتہ چلا ہے کہ استاد شریدھر نائک قریب تین ماہ قبل ہی  کمٹہ تعلقہ کے کسی سرکاری اسکول سے  بھٹکل  ٹرانسفرہوا تھا۔

School Headmaster arrested in Bhatkal for alleged sexual harassment of students

ایک نظر اس پر بھی

بھٹکل میں بارش سے گھروں کو پہنچے نقصانات کا جائزہ لینے تنظیم وفد کا متاثرہ علاقوں کا دورہ

   ہفتہ عشرہ سے  بھٹکل میں جاری زور دار بارش کے نتیجے میں کئی علاقوں میں مکانوں کو نقصان پہنچا ہے، جس کا جائزہ لینے آج پیر کو قومی سماجی ادارہ مجلس اصلاح و تنظیم کے ایک وفد نے   صدیق اسٹریٹ، نستار اور مخدوم کالونی علاقہ کا دورہ کیا اور تنظیم کی جانب سے ہرممکن تعاون کا یقین ...

انکولہ لینڈ سلائیڈ: بھٹکل اسکول ٹیمپو ڈرائیورس یونین نے پہاڑی کا ملبہ ہٹانے والے عملے میں تقسیم کیا کھانا

   انکولہ لینڈ سلائیڈ کے بعد  کیرالہ کے ارجن سمیت تین لاپتہ لوگوں  کی کھوج کرنے والے سو سے زائد  عملہ کو  آج بھٹکل اسکول ٹیمپو ڈرائیورس  یونین کی طرف سے  دوپہر کا کھانا تقسیم کیا گیا اور  کیرالہ سے خصوصی طور پر    ملبہ ہٹانے کے لئے پہنچے لوگوں کی ہمت بندھائی۔

نیشنل ہائی وے کا غیر سائنٹفک کام - این ای سی ایف نے مرکزی وزیر گڈکری کو بھیجا شکایتی مراسلہ

نیشنل ہائی وے کے مختلف مقامات پر چٹانیں اور زمین کھسکنے کے جان لیوا حادثات کے لئے شاہراہوں کے غیر سائنٹفک توسیعی کام کو ذمہ دار قرار دیتے ہوئے نیشنل اینوائرنمنٹ کیئر فیڈریشن (ین ای سی ایف) نے مرکزی وزیر برائے بری نقل و حمل نتین گڈکری کئی اہم سرکاری افسران کو شکایتی مراسلہ بھیجا ...