کاروار:29/ نومبر (ایس اؤنیوز)شہر میں کچرا نکاسی کرنے والی سواری ڈیڑھ سالہ بچہ کو ٹکردینےسے بچہ جائے وقوع ہلاک ہونے کا واقعہ شہر کے دلواڑا میں پیش آیا ہے۔
دلواڑا کے مکین شنکر گوڈمننور نامی ڈیڑھ سالہ بچہ ہی حادثے میں ہلاک ہواہے۔ شہر میں روزانہ کچراجمع کرنے والی سواری کے ڈرائیور کے ساتھ بچہ کی دوستی ہوگئی تھی ۔ بچہ معصوم شرارتوں سے ڈرائیور خوش ہوتاتھا، اس طرح دونوں میں ایک رشتہ بندھ گیا۔ گلی میں جیسے کچرے کی سواری کی آواز آتی بچہ دوڑتے ہوئے اس کے پاس پہنچتا اور اس کو اٹھالینے کے اشارے کرتا۔ ڈرائیور بچہ کو بٹھا کر ایک راؤنڈ لگانے کے بعد واپس چھوڑ جانا معمول ہوگیا تھا۔
منگل کی صبح حسب معمول کچرا نکاسی کی سواری کچرا جمع کرنے کے لئے گلی میں آئی تو بچے کی موت کا پیغام لے کر آئی۔ڈرائیور اس بات سے انجان تھا کہ بچہ بھاگ کراس کی سواری کے پاس پہنچا ہے ۔ سواری آگے چلی بچہ وہیں اپنی آخری سانس لیا ۔ جائے وقوع ہی بچہ کو مرا دیکھ کر ڈرائیور فرار ہوگیا۔ گھر ماتم کدہ بن گیا ۔ بلدیہ کمشنر کو اطلاع ملتے ہی انہوں نے معاوضہ کے طورپر خاندان والوں کو 50000روپئے اداکئے ہیں۔