بھٹکل میں نیشنل ہائی وے کا نامکمل کام - ہوراٹا سمیتی نے کیا عوامی جدوجہد اور قانونی چارہ جوئی کا فیصلہ

Source: S.O. News Service | By I.G. Bhatkali | Published on 10th February 2024, 2:30 PM | ساحلی خبریں |

بھٹکل 10 / فروری (ایس او نیوز)گزشتہ12 سال قبل شروع کیا گیا نیشنل ہائی وے 66 کا تعمیری کام اب تک مکمل نہیں ہوسکا ہے جس کی وجہ سے یہاں کے عوام کی زندگی عذاب بن کر رہ گئی ہے ۔ اس ضمن میں ہائی وے ڈیولپمنٹ اتھاریٹی، ضلع انتظامیہ اورمنتخب عوامی نمائندوں نے خاموشی اختیار کر رکھی ہے۔ 

ایسے میں ہوراٹا سمیتی نے اب احتجاج اور قانونی کارروائی شروع کرنے کا فیصلہ کیا ہے۔ اس مسئلے کا جائزہ لینے کے لئے کمیٹی کے نمائندوں نے شہر کے ٹورسٹ بنگلو میں ایک میٹنگ منعقد کی اورنیشنل ہائی وے توسیعی کام میں ہو رہی ہے تاخیر اور اس سے درپیش مسائل حل کرنے کے لئے آئندہ جدوجہد کا لائحہ عمل مرتب کیا۔

 میٹنگ میں یہ بات زیر بحث آئی کہ پچھلے کئی سالوں سے ٹھیکیدار آئی آر بی کمپنی ہائی وے کی توسیع کے معاملے میں درپیش مسائل پر توجہ نہیں دے رہی ہے ۔ بھٹکل میں ہائی وے توسیعی کام کے افتتاح کو 2 سال گزرجانے کے باوجود کام مکمل نہیں ہوا ، لیکن آئی آر بی کمپنی کا ٹول وصولی کا کام بغیر کسی رکاوٹ کے جاری ہے ۔ اتنی ساری پریشانیوں کے باوجود ضلع  انتظامیہ ٹھیکیدار کمپںی کے خلاف کوئی کارروائی نہیں کر رہی ہے۔ رکن پارلیمان تو اس بارے میں کوئی بات ہی نہیں کر رہے ہیں۔  ضلع انچارج وزیر کبھی کبھار آئی آر بی کے خلاف بیان بازی کرکے خاموش ہو جاتے ہیں۔

ان حالات کے پس منظر میں کمیٹی نے محسوس کیا کہ اب احتجاج اور قانونی کارروائی ہی آخری راستہ ہے۔ طے کیا گیا کہ اگلے ایک ہفتے میں نیشنل ہائی وے کا توسیعی کام رکنے کے تعلق سے تمام معلومات اکٹھا کرنے کے ساتھ  قانونی ماہرین سے بات چیت کی جائے گی اور پھر اس کے بعد آئی آر بی کے ٹول گیٹ کے سامنے زبردست احتجاجی مظاہرا کیا جائے گا۔

میٹنگ میں عنایت اللہ شابندری، ستیش کمار نائک ، راجیش نائک، ایڈوکیٹ وکٹر گومس، محی الدین رکن الدین، ایڈوکیٹ عمران لنکا، جیلانی شاہ بندری، کرشنا نائیک، وینکٹیش نائک، توفیق بیری، اشفاق کے ایم، ایس ایم ۔ سید پرویز اور دیگرذمہ داران موجود تھے۔

ایک نظر اس پر بھی

بھٹکل میں موسلادھار بارش کا سلسلہ جاری؛ عیدگاہ میں نہیں ہوگی نماز عیدالاضحیٰ؛ جامع مساجد میں صبح سات اور سوا سات بجے ہوگی عید کی دوگانہ

بھٹکل  سمیت ساحلی کرناٹکا میں گذشتہ ایک ہفتہ سے موسلادھار بارش کا سلسلہ جاری ہے جس کو دیکھتے ہوئے بھٹکل میں عیدگاہ کمیٹی نے عیدالاضحیٰ کی نماز  شہر کی تمام جامع مساجد میں ادا کرنے کا فیصلہ کیا ہے۔

بھٹکل میں عدالت کے تعمیری منصوبے کے لئے 12 کروڑ روپے کی منظوری - بار ایسو سی ایشن نے کی وزیر منکال وئیدیا کی تہنیت

بھٹکل میں عدالت کی نئی عمارت تعمیر کرنے کے لئے بھٹکل کے ایم ایل اے اور وزیر منکال وئیدیا کی خصوصی دلچسپی اور کوششوں سے حکومت کی طرف سے 12 کروڑ روپے کا فنڈ منظور کیا گیا ہے ۔

جوئیڈا کے رام نگر میں خود سوزی کی وجہ سے نوجوان کی موت - پولیس پر ہراسانی کا الزام - کُونبی سماج کا احتجاج 

تعلقہ کے رام نگر پولیس تھانے کے افسران کی طرف سے ہراسانی کا الزام لگاتے ہوئے کُونبی سماج کے جس نوجوان نے پولیس اسٹیشن کے احاطے میں اپنے جسم پر پٹرول چھڑک کر خود سوزی کی تھی ، اس نے بیلگام کے اسپتال میں دم توڑ دیا ۔ جس کے بعد قصوروار پی ایس آئی اور عملے کے خلاف کارروائی کا مطالبہ ...

تجارتی اور تعلیمی میدان کی ایک نامور شخصیت : منگلورو یونیورسٹی سے اعزازی ڈاکٹریٹ کی ڈگری پانے والے تُمبے محی الدین کی خدمات پر ایک نظر

منگلورو یونیورسٹی سے اعزازی ڈاکٹریٹ کی ڈگری پانے والے  ڈاکٹر تُمبے محی الدین صاحب کی شخصیت کا جائزہ لیا جائے تو پتہ چلتا ہے کہ آج خلیجی ممالک میں تجارتی اور تعلیمی میدان ایک بڑی شخصیت کے طور پر پہنچانے جا رہے تمبے محی الدین صاحب نے 21 سال کی عمر میں ہی تجارتی دنیا میں قدم رکھا ...

منگلورو یونیورسٹی کی جانب سے ڈاکٹر تُمبے محی الدین ، ڈاکٹر رونالڈ کولاسو اور کے پرکاش کو تفویض کی گئی اعزازی ڈاکٹریٹ کی ڈگری

مشہور و معروف غیر مقیم ہندوستانی تاجر ڈاکٹر تُمبے محی الدین، ڈاکٹر رونالڈ کولاسو اور پرکاش شیٹی کو منگلورو یونیورسٹی کی جانب سے اعزازی ڈاکٹریٹ (پی ایچ ڈی) کی ڈگری تفویض کی گئی ۔  

بولیار مسجد کے سامنے اشتعال انگیزی کی طرح خاطیوں پر حملہ بھی غلط، سوشیل میڈیا پر جعلی پیغامات وائرل کرنے والوں پر بھی کارروائی : یوٹی قادر

ریاستی قانون ساز  اسمبلی کے اسپیکر یوٹی قادر نے کہا کہ منگلور و اسمبلی حلقہ کا   بولیار گرام ہم آہنگی کی ایک مثال ہے، جہاں مقامی لوگ اور  پولیس حالیہ واقعہ سے متعلق معاملے کو حل کرنے جا رہے  ہیں۔ یوٹی  قادر نے کہا کہ اگر باہر کے لوگ اپنا منہ بند رکھیں  تو یہ ملک سے حقیقی دیش ...