بینگلور اور رام نگر سمیت کئی علاقوں میں زبردست بارش؛ بنگلورو-میسور ہائی وے زیر آب

Source: S.O. News Service | By I.G. Bhatkali | Published on 28th August 2022, 6:32 PM | ریاستی خبریں |

بینگلور 28 اگست  (ایس او نیوز)    بنگلورو شہر کے کئی حصوں میں جمعہ اور سنیچر کو   دوبارہ  بارش  شروع ہونے کے نتیجے میں عام زندگی مفلوج رہی اس درمیان  محکمہ موسمیات نے پیش گوئی کی ہے کہ ریاست میں اگلے 4 دن بھی  موسلادھار بارش ہوگی۔ تیاگراج نگر، بسون گڈی، بن شنکری، کارپوریشن، کے آر مارکیٹ، میسور بینک سرکل، میجسٹک اور شانتی نگر سمیت کئی مقامات پر جمعہ اور سنیچر کو کافی  بارش ہوئی  ہے، کئی علاقوں میں گھن گرج کے ساتھ بارش کی بھی اطلاعات ہیں،  البتہ آج اتوار کو بارش کا سلسلہ تھمتا نظر آیا ہے۔  اُدھر  محکمہ موسمیات نے جنوب مغربی مانسون کے مضبوط ہونے کی وجہ سے اگلے  چار دنوں تک  شدید بارشوں کی پیشن  گوئی کی ہے۔ محکمہ موسمیات کا کہنا ہے کہ چند مقامات پر گرج چمک کے ساتھ بارش کا امکان ہے۔

بنگلور کے ساتھ ساتھ  اطراف کے علاقوں رام نگر اور میسور میں بھی   جمعہ شب کے ساتھ ساتھ  سنیچر کو بھی موسلادھار بارش ہوئی ہے۔ جبکہ  شدید بارش سے بنگلور۔میسور ہائی وے بھی زیر آب آگیا۔ بتایا گیا ہے کہ احتیاطی طور پر ہائی وے کو سنیچر سے تین دنوں کے لئے بند کرنا پڑا ہے۔ اور سواریوں کے لئے متبادل راستے کا انتظام کیا گیا ہے۔

ذرائع سے ملی اطلاع کے مطابق  جمعہ کی رات رام نگر ضلع میں موسلادھار بارش کے نتیجے میں بنگلور اور میسور ہائی وے پانی میں ڈوب گیا جس کو دیکھتے ہوئے ضلعی پولس نے سواریوں کو  احتیاط کے طور پر متبادل راستوں  سے گذرنے کی اپیل کی۔ موسلادھار بارش کے باعث ضلع کی کئی جھیلیں اور ڈیم بھر گئے ہیں۔ ساتھ ساتھ ہائی وے کی مرمت کی وجہ سے بھی ٹریفک نظام میں خلل پڑنے کے خدشہ کو دیکھتے ہوئے ہفتہ سے تین دن تک بنگلور میسور روٹ سے سفر کرنے والے سواروں سے کہا گیا ہے کہ وہ   بنگلور-کنک پورہ-میسور روٹ سے  یا بنگلور-کونیگل-میسور روٹ کے ذریعے سفر کریں۔

ایک نظر اس پر بھی

پاکستان زندہ با د نعرہ کا معاملہ؛ بی جے پی شکست کی مایوسی میں توڑ مروڑ کر پیش کر رہی ہے: ڈی کے شیو کمار

ریاستی نائب وزیر اعلیٰ ڈی کے شیو کمار نے کہا کہ ودھان سودھا میں کسی نے پاکستان زندہ باد کا نعرہ نہیں لگایا۔ اگر وہ پاکستان کی حمایت میں نعرہ بازی کرتے ہوئے چیختے ہیں تو پولیس انہیں لات مار کر اندر ڈال دے گی۔

سائنسی طور پر تصدیق ہوئی تو مجرم کے خلاف قانونی کارروائی کی جائے گی، پاکستان ، یانصیرصاب زندہ باد: ایف ایس ایل سے تحقیق: پرمیشور

ریاستی وزیر داخلہ جی پرمیشور نے کہا کہ ودھان سودھا میں پاکستان زندہ بعد نعرہ بازی کے معاملہ میں پولیس نے از خود شکایت درج کرتے ہوئے کارروائی کی ہے۔ایف ایس ایل کی جانب سے سائنسی بنیاد پر تفتیش کی جارہی ہے۔

ملک کے نازک حالات میں مسلمان پاکستان زندہ کا نعرہ لگانے کی جرأت نہیں کرسکتا!یہ سب گودی میڈیا کی کارستانی ہے،دونوں ایوانوں میں ہنگامے

راجیہ سبھا انتخاب کا نتیجہ ظاہر ہونے کے بعد و دھان سودھا کے لاؤنج میں راجیہ سبھا کے لئے منتخب ہونے والے کانگریس امیدوار ڈاکٹر سید نصیر حسین کے حامیوں نے جشن منایا۔

یلاپور ایم ایل اے ہیبار نے دیا بی جے پی کو شاک ؛ کیا ہیبّار کانگریس میں شامل ہوں گے ؟

پچھلے کچھ دنوں سے یلاپور حلقہ کے ایم ایل اے شیو رام ہیبار کے تعلق سے افواہیں چل رہی تھیں کہ وہ بی جے پی سے واپس کانگریس میں لوٹنے کے لئے پر تول رہے ہیں ۔ اب شیورام ہیبار نے راجیہ سبھا کے لئے اراکین کے انتخاب کے موقع پر اسمبلی سے غیر حاضر رہتے ہوئے بی جے پی کو براہ راست شاک دے دیا ہے ...

ٹمکور ومیں سرجری کے بعد تین خواتین کی موت کا معاملہ ۔ گائنا کالوجسٹ سمیت تین افراد ملازمت سے برطرف

علاج میں کو تاہی کی پاداش میں محکمہ صحت کی کارروائی بروز منگل ایک گائنا کالوجسٹ اور عملے کے دو ارکان کو پاؤ گڑھ ٹاؤن کے ماں اور بچے کے اسپتال میں زیر علاج تین زچہ خواتین کی موت کے معاملہ میں ملازمت سے برخاست کرنے کا حکم دیا گیا۔