رتناگری ڈیم حادثہ: وزیر کے بیان کی مخالفت میں گھرکے باہرچھوڑے کیکڑے
ممبئی، 9 جولائی (ایس او نیوز/آئی این ایس انڈیا) مہاراشٹر کے رتناگری ضلع میں گزشتہ دنوں توارے ڈیم ٹوٹنے سے 19 لوگوں کی موت ہو گئی تھی۔اس شدید حادثے پر بے تکابیان دیتے ہوئے مہاراشٹر کے وزیر تاناجی ساونت نے کہا تھا کہ کیکڑوں نے ڈیم کی دیواروں کو کمزور کر دیا تھا، اس لیے ڈیم ٹوٹا اور یہ حادثہ ہوا،اسے لے کر اپوزیشن مسلسل حکومت پر حملہ آور ہے۔منگل کو پونے میں این سی پی کارکنوں نے اس بیان کے خلاف مظاہرہ کرتے ہوئے وزیر ساونت کے گھر کے باہر بڑی تعداد میں کیکڑے چھوڑ دئے۔اس کا ایک ویڈیو وائرل ہو رہا ہے۔دراصل ڈیم ٹوٹنے سے کئی لوگ پانی میں بہہ گئے تھے،ابھی تک 19 لوگوں کی موت ہو چکی ہے۔ڈیم ٹوٹنے کے سوال پر نو منتخب پانی تحفظ وزیر ساونت نے غیر ذمہ دارانہ بیان دیتے ہوئے کہا تھا کہ قسمت میں جو لکھا ہے وہی ہوگا۔وزیر ساونت نے یہ بھی کہا کہ حکام اور مقامی لوگوں نے انہیں بتایا ہے کہ بڑی تعداد میں کیکڑوں نے ڈیم کی دیوار کو کمزور کر دیا ہے۔وزیر کے اس بیان کی چاروں طرف تنقید ہو رہی ہے۔اس دوران اپوزیشن نے بھی اس معاملے پر حکومت کو گھیرا۔مہاراشٹر کے الگ الگ حصوں میں اس بیان کے خلاف اپوزیشن کامظاہرہ جاری ہے۔اسی کڑی میں منگل کو این سی پی کارکنوں نے پونے میں وزیر کی رہائش گاہ کے باہر کیکڑے چھوڑ دئے۔وائرل ویڈیو میں دکھائی دے رہا ہے کہ این سی پی کے کچھ کارکنان وزیر کی رہائش گاہ کے باہر احتجاج کر رہے ہیں۔ان کے جسم پر کیکڑوں کو معصوم بتاتا ہوئے پوسٹر بھی ہے۔اسی دوران وہ تھیلے میں بھر کر لائے ہوئے کیکڑوں کو رہائش گاہ کے باہر گرانے لگتے ہیں۔اس دوران سیکورٹی ان کو روکنے کی کوشش کرتے ہیں،اگرچہ بعد میں وہ اندر چلے جاتے ہیں۔وہیں باہر بڑی تعداد میں این سی پی کارکنان مخالفت میں نعرے لگاتے نظر آتے ہیں۔بتا دیں کہ مہاراشٹر حکومت نے رتناگری ضلع میں توارے ڈیم ٹوٹنے کی تحقیقات کے لیے خصوصی تفتیشی ٹیم(ایس آئی ٹی) قائم کی ہے۔محکمہ آبی وسائل کے سکریٹری اویناش کی قیادت والی ایس آئی ٹی کودوماہ کے اندراندراپنی رپورٹ سونپنی ہوگی۔