اسرائیل فلسطین تنازعہ میں 11 امریکی ہلاک: بائیڈن
واشنگٹن، 10/اکتوبر (ایس او نیوز /ایجنسی) امریکی صدر جو بائیڈن نے پیر کو کہا کہ حماس اور اسرائیل کے درمیان موجودہ تنازعہ میں 11 امریکی شہری مارے گئے۔
امریکی صدر کے اعلان کے بعد قومی سلامتی کونسل کی جانب سے گزشتہ روز جاری کردہ ایک بیان میں امریکیوں کی ہلاکتوں میں دو لوگوں کا اضافہ ہوا ہے۔
مسٹر بائیڈن نے اپنے بیان میں یہ بھی کہا کہ امریکی حکومت کا خیال ہے کہ حماس کے ہاتھوں یرغمال بنائے جانے والوں میں امریکی بھی شامل ہیں۔ انہوں نے کہا کہ انتظامیہ خفیہ اطلاعات کا اشتراک کر رہی ہے اور یرغمالیوں کی رہائی کی کوششوں کے بارے میں اسرائیلی ہم منصبوں سے مشاورت کرنے کے لئے امریکی حکومت کے ماہرین کو تعینات کر رہی ہے۔
مسٹر بائیڈن نے اس بات کو یقینی بنانے کے لیے امریکہ کے عزم کا اعادہ کیا کہ اسرائیل کے پاس اپنے اور اپنے لوگوں کے دفاع کے لیے ضروری وسائل موجود ہیں۔
