ಮಾರ್ಕೇಟಿಂಗ್ ಸೂಸೈಟಿಯ ಕಿಟಕಿ ಮುರಿದು ಕಳ್ಳತನಕ್ಕೆ ಯತ್ನ; ನಾಲ್ಕು ಸಾವಿರ ರೂ ದೋಚಿ ಪರಾರಿ
ಭಟ್ಕಳ: ತಾಲೂಕಿನ ಬಂದರ ರೋಡ್ ಸಮೀಪವಿರುವ ಮಾರ್ಕೇಟಿಂಗ್ ಸೊಸೈಟಿಯ ಕಿಟಕಿ ಮುರಿದು ಕಳ್ಳತನ ಮಾಡಿರುವ ಘಟನೆ ಭಾನುವಾರ ಬೆಳಗಿನ ಜಾವ ಬೆಳಕಿಗೆ ಬಂದಿದೆ.
ಕಿಟಕಿಯ ಸರಳು ಮುರಿದು ಒಳಗೆ ನುಗ್ಗಿರುವ ಕಳ್ಳರು ನಾಲ್ಕು ಸಾವಿರ ನಗದನ್ನ ದೋಚಿದ್ದು, ಲೊಕರ್ ಒಡೆಯುವ ಪ್ರಯತ್ನ ಮಾಡಿದ್ದಾರೆ ಎನ್ನಲಾಗಿದೆ. ಲೊಕರ್ ನಲ್ಲಿ ಬಂಗಾರ ಇತ್ತು ಎನ್ನಲಾಗಿದ್ದು ಲೊಕರ್ ಒಡೆಯುವ ಪ್ರಯತ್ನ ವಿಫಲವಾದ ಹಿನ್ನೆಲೆಯಲ್ಲಿ ಕೇವಲ ನಾಲ್ಕು ಸಾವಿರ ನಗದು ದೋಚಿ ಪರಾರಿಯಾಗಿದ್ದಾರೆಂದು ತಿಳಿದುಬಂದಿದೆ.