بھٹکل کے بندرروڈ پر واقع اے پی ایم سی مارکیٹ عمارت میں چوری : نقد رقم لےکر چور فرار
بھٹکل:29؍ستمبر(ایس اؤ نیوز)شہر کے بندرروڈ پر واقع اے پی ایم سی (کسان مارکیٹ) عمارت میں سنیچر کی دیررات چوروں نے پیچھے سے کھڑکیوں کی سلاخیں توڑ کر چوری کی واردات کو انجام دیتے ہوئے نقد رقم لے کر فرار ہونے کاواقعہ پیش آیا ہے۔ اتوار کی صبح عمارت میں چوری ہونے کا پتہ چلاہے۔
ہوناور کے اے پی ایم سی مارکیٹ کی بھٹکل شاخ عمارت کے پیچھے والی کھڑکی کی سلاخوں کو(کھڑکی بہت اونچائی پر ہے جو چھت کے بالکل قریب ہے) چوروں نے توڑکر عمارت میں داخل ہوکر ٹیبل کے ڈرئیور میں موجود 4200روپئے نقد رقم لےکر فرار ہوئے ہیں۔ چوروں نے عمارت میں موجود سیف ڈپازٹ لاکر بھی توڑنے کی کوشش کی ہے مگر اس میں انہیں ناکامی ہاتھ لگی ۔ عمارت کی بقیہ الماری ، ٹیبل وغیرہ میں موجود کاغذات، دستاویزات کو بکھرے ہوئے دیکھاگیا۔ بھٹکل شہری تھانہ کے ایس آئی لکپّا اپنے عملے کے ساتھ جائے واردات پہنچ کر معائنہ کرنے کے بعد کیس درج کرلیا ہے۔ اے پی ایم سی نائب صدر شیوانند ہیبار، ڈائرکٹر روی ، مینجر ونایک بھٹ بھی فوری طورپر اے پی ایم سی پہنچ کر چوری ہوئےسامان کی جانکاری دی۔ معاملے کو لےکر پولس جانچ کررہی ہے۔